हिमालयखवर संवाददाता
अमेरिका- लामो समय टेक्सस बसेर केही वर्ष अघि न्यूयोर्क सरेका अजयमान छोंचुँको निधन भएको छ ।
सन् १९९८ मा नेपालबाट ड्यालस अएर हाल न्यूयोर्कमा बस्दै अाएका छोंचुँको शनिबार उपचारकै क्रममा निधन भएको हो । उनी ड्यालसको सामाजीक संस्था ड्यालस एभरेष्ट लायन्स क्लबको चार्टर्ड प्रेसिडेन्ट (संस्थापक सभापति) थिए । उनीसँग निकट रहेका ड्यालसका समाजसेवी तथा लायन्स क्लबकै पूर्व अध्यक्ष राम सी पोखरेलका अनुसार छोंचुँको निधनले अमेरिकाको नेपाली समुदायले असल व्यक्तित्व गुमाएको छ ।
उनी सन् २००२ मा ड्यालस एभरेष्ट लायन्स क्लबको सभापति थिए । उनी ८ वर्ष अघि ड्यालसबाट न्यूयोर्क सरेका थिए । अस्पतालमा उपचारका क्रममा उनको मृत्यु भएको हो । उनी करिव ६५ बर्षका थिए । ह्दयधातका कारण उनको मृत्यु भएको परिवार स्रोतले जनाएको छ ।
छोंचुँ नेपालमा छँदा काठमाडाैंको सरस्वती बहुमुखी क्याम्पसमा अध्यापन गराउँथे ।
केही दिन अघि अर्जेण्ट केयरमा चेकजाँच गर्दा निमोनिया देखिएको थियो । तर, शनिवार उनलाई अचानक ह्दयधात भएको थियो । यसले गर्दा उनको ज्यान गयो ।
न्यूयोर्कमा दुइ साताको अन्तरमा चारजना नेपालीको निधन भएको छ । केही दिन अघि कोरोना भाइरसका कारण नेपाली अनिल लिम्बुको पनि मृत्यु भएको थियो ।
शुक्रबारनै मुस्ताङ घर भइ हाल न्यूयोर्क बस्दै अाएका सोनाम लामा र थोक्मे बिष्टको पनि शुक्रवार निधन भएको थियो ।
कोराना भाइरस संक्रमणको मुख्य केन्द्र न्यूयोर्कमा अहिले व्याप त्रास छ । अधिकांश नेपाली घरमै बसिरहेका छन् । यसले गर्दा समस्या पनि देखिएको हो ।
प्रतिक्रिया