हिमालयखवर संवाददाता
अमेरिका- अमेरिका अध्ययरत अनलाइन क्लासमात्र लिने विदेशी विद्यार्थीले अमेरिका वस्न र पढ्न आउन अनुमति नपाउने भएका छन् ।
युएस इमिग्रेशन एण्ड कस्टम्स ईर्फोमेण्ट अन्तर्गत रहेको स्टुडेण्ड एण्ड एक्स्चेञ्ज प्रोग्राम (एसईभीपी)ले फल सेमेस्टरका लागि सोमवार सार्वजनिक नयां संशोधित प्रावधान अनुसार विद्यार्थीका रुपमा पढ्न एफ १ र एम १ भिषामा आएका विद्यार्थीले अनलाइनमा वाहेक तोकिए बमोजिम क्लासमै गएर पढ्नुपर्ने नत्र डिर्पोट गरिने उल्लेख छ ।
अनलाइन कक्षामात्र लिनेले अमेरिका बस्न सुविधा हुने छैन र यस्ता शैक्षिक संस्थाका विद्यार्थीका लागि पनि कुनै भिषा जारी गरिने छैन सोमवार जारी संशोधित नियममा भनिएको छ ।
कोभिड १९ का कारण कतिपय अमेरिकी शैक्षिक संस्थाले अनलाइन कक्षा मात्र संचालन गरिरहेका छन । अमेरिका भरका स्कुल कलेज कोभिड १९ का कारण गर्मी विदा शुरु हुनु भन्दा झण्डै २ महिना अघिनै वन्द भएका थिए । यो संशोधित नियम यही आउंदो फल शैक्षिक सत्र देखि नै लागु हुने भएको छ ।
अनलाइन कक्षा मात्र संचालन गरिरहेका र यसरी पढाई गरिरहेका विद्यार्थीले इनपर्सन कक्षामै गएर पढ्ने विकल्प खोज्नुपर्ने उल्लेख गरिएको छ ।
अनलाइन कक्षा मात्र संचालन गरिरहेका शैक्षिक संस्थामा भर्ना भएका विदेशी विद्यार्थी पनि अमेरिका प्रवेश नपाउने नियम ल्याईएको छ । भिषा पाईसकेका यस्ता विद्यार्थी अमेरिका आएपनि प्रवेश विन्दुवाटै फिर्ता गरिने छ । गर्मी विदा सकिए लगत्तै अगस्टको तेस्रो सातावाट फल सेमेस्टर शुरु हुन हुन्छ ।
यो प्रावधानले अमेरिकामा अध्ययनरत र पढ्न आउन खोजेका लाखौं विदेशी विद्यार्थी प्रभावित हुने छन् ।
अहिलेको अवस्थामा विदेशी विद्यार्थीले वढीमा एउटा कक्षा वा तीन क्रेडिट आवर मात्र अनलाईनवाट लिन सक्नेछन । विद्यार्थी भिषामा रहेकाले आफ्नो आई २० नविकरण गर्न इनपर्सननै कक्षामा गई पढेको आफ्नै पुष्टि गर्नु पर्ने छ । यस प्रावधानले विद्यार्थीलाई पढाई जारी गर्न थप झन्झिटिलो हुने छ । तस्बिर: सामाजिक संजाल
प्रतिक्रिया