प्रवास

ब्राजिलमा संक्रमितको संख्या १६ लाख १३ हजार नाघ्यो, ६५ हजार बढीको मृत्यु

6th Jul 2020, Monday | २०७७ आषाढ २२, सोमबार ११:००

रियो दी जेनेरियो । ब्राजिलमा कोरोना भाइरसका संक्रमितहरुको संख्या १६ लाख नाघेको बताइएको छ । यहाँ गएको २४ घन्टायता मात्र २६ हजारभन्दा बढी संक्रमित थपिएका छन् ।

त्यस्तै २४ घन्टायताका घटनाको अध्ययन गर्दा यहाँ ६०२ जनाको ज्यान गएको बताइएको छ ।

ब्राजिलको स्वास्थ्य मन्त्रालयले दिएको समाचारअनुसार यहाँ मृत्यु हुने व्यक्तिको संख्या ६५ हजार १२० जना पुगेको छ । गएको शनिबारमात्र ब्राजिलले ३८ हजार जना नयाँ संक्रमित थपिएको जनाएको थियो ।

त्यसैगरी सोही दिन कोरोना भाइरसबाट एक हजारभन्दा बढीको ज्यान गएको बताइएको थियो ।

गएको हप्ता दिन यता ब्राजिलमा कोरोना भााइरसबाट हरेक दिन एक हजारभन्दा बढीको ज्यान गएको देखिएको छ भने ठूलो संख्यामा संक्रमितहरु पनि थपिँदै गएका छन् ।

ब्राजिल कोरोना भाइरसबाट नागरिकको ज्यान जानेमा विश्वको सबैभन्दा दोस्रो ठूलो देश बनेको छ । यहाँ संक्रमण बढ्दो रुपमा देखिएको स्वास्थ्य अधिकारीहरुले बताएका छन् ।

अमेरिकामा अहिलेसम्म यस संक्रमणबाट १ लाख ३२ हजार ६९८ जनाको ज्यान गएको छ । विश्वका सबैभन्दा बढी कोरोना भाइरस संक्रमित रहेको अमेरिकामा अहिलेसम्म ३० लाखभन्दा पनि बढी नागरिक संक्रमित हुन पुगेका बताइएको छ । एएनआई

PREVOUS POST

‘कोभिड–१९ सङ्क्रमितको उपचारमा टिसिएम विधि प्रभावकारी’

२०७७ आषाढ २२, सोमबार ०९:१५

बेइजिङ । चीनको राजधानी बेइजिङ नजिकैको सिनफादी बजारमा देखिएका कोरोना भाइरस सङ्क्रमित बिरामीको उपचारमा चिनियाँ परम्परागत चिकित्सा प्रणाली (टिसिएम)ले महत्त्वपूर्ण ...

पूरा पढ्नुहोस् »