जेनेभा । कोरोना भाइरस (कोभिड १९) बाट विश्वभर मृत्यु हुने व्यक्तिको संख्या ५ लाख ३५ हजार ४७ पुगेको छ । साथै यस संक्रमणबाट विश्वभर १ करोड १४ लाख ६७ हजार ६५९ जना संक्रमित भएका विश्व स्वास्थ्य संगठन (डब्लुएचओ)ले जनाएको छ ।
नेपाली समयानुसार आइतबार रातिसम्म प्राप्त समाचारअनुसार कोरोना भाइरसका कारण बिरामी भएका ६४ लाख ८९ हजार ४१५ जना निको भएका छन् । हाल विश्वभरमा कोरोना भाइरस संक्रमित करिब ४४ लाख ४३ हजार १९७ व्यक्ति उपचाररत रहेका छन् । संक्रमितहरुमा ५८ हजार ४९७ जनाको अवस्था गम्भीर रहेको जनाइएको छ ।
चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस संक्रमणको कारण अमेरिका सबैभन्दा बढी प्रभावित भएको छ । डब्लुएचओका अनुसार संयुक्त राज्य अमेरिकामा मात्र २९ लाख ५५ हजार २८२ जना कोरोना भाइरसबाट संक्रमित रहेका छन् । यस प्रकोपका कारण अमेरिकामा १ लाख ३२ हजार ३९३ व्यक्तिको मृत्यु भइसकेको बताइएको छ ।
दक्षिण अमेरिकामा २४ लाख ७७ हजार २१२ जना कोरोना भाइरस संक्रमित रहेका छन् । यहाँ ९२ हजार ८१८ जनाको मृत्यु भएको छ । उत्तर अमेरिकामा ३४ लाख ५८ हजार ५६७ जना कोरोना भाइरस संक्रमित रहेका छन् । यहाँ १ लाख ७५ हजार ११९ जनाको मृत्यु भएको छ ।
युरोपमा २४ लाख ७६ हजार ९८५ जना कोरोना भाइरस संक्रमित रहेका छन् भने १ लाख ९्३ हजार ६७७ को मृत्यु भएको छ । एसियामा २५ लाख ७५ हजार ५५९ जनामा कोरोना भाइरस संक्रमण रहेको छ भने ६२ हजार १४९ जनाको मृत्यु भएको छ ।
अफ्रिकामा ४ लाख ६८ हजार ५२१ जनामा कोरोना भाइरस संक्रमण रहेको छ भने ११ हजार १४३ जनाको मृत्यु भएको छ । ओसियानामा १० हजार ९४ जनामा कोरोना भाइरस संक्रमण रहेको छ भने १२६ जनाको मृत्यु भएको छ । [एएफपीको सहयोगमा ]
प्रतिक्रिया