जेनेभा । विश्वमा कोरोना भाइरस (कोभिड–१९) संक्रमण पुष्टि हुने व्यक्तिको संख्या एक करोड नाघेको छ । विश्व स्वास्थ्य संगठन (डब्लुएचओ)ले दिएको जानकारीअनुसार आइतबार रातिसम्म कोरोना भाइरसबाट संक्रमितको संख्या विश्वभर एक करोड एक लाख ६९ हजार ३७८ पुगेको छ ।
यसैबीच, जोन्स हप्किन्स विश्वविद्यालयले सार्वजनिक गरेको पछिल्लो विवरणमा विश्वभर कोरोना भाइरसको संक्रमणबाट ५ लाख २ हजार ७९७ जनाको मृत्यु भएको उल्लेख छ । हालसम्म ५५ लाख ८ हजार ३४६ संक्रमित व्यक्ति निको भएर अस्पतालहरुबाट डिस्चार्ज भएका छन् ।
डब्लुएचओका अनुसार विगत २४ घन्टामा विश्वभर संक्रमण पुष्टि हुनेको संख्या एक लाख ७६ हजार ५६८ पुगेको छ भने मृत्यु हुनेको संख्या ४५४७ रहेको छ ।
आइतबारसम्म विश्वभर कोभिड–१९ को महामारीका कारण मृत्यु हुनेको संख्या पाँच लाख २ हजार ७९७ पुगेको सम्बन्धित देशहरूद्वारा डब्लुएचओलाई उपलब्ध गराइएको तथ्यांकमा उल्लेख छ ।
विश्व स्वास्थ्य संगठनको अघिल्लो दिनको तथ्याङ्कमा २४ घन्टामा कोरोना भाइरस संक्रमणको महामारीका कारण नयाँ संक्रमित हुनेको संख्या एक लाख ९४ हजार १९० रहेको थियो भने ४ हजार ८९१ जनाको मृत्यु भएको थियो ।
विश्वमा कोभिड–१९ महामारीका कारण सबैभन्दा बढी संक्रमित तथा मृतकको अमेरिकामा रहेको छ युरोपमा करिब २५ लाख ७२ हजार ६६६ संक्रमित रहेका छन् । त्यस्तै एसियामा २१ लाख ९७ हजार ४८८ व्यक्तिमा संक्रमण पुष्टि भएको छ ।
संक्रमणका आधारमा भन्ने हो भने कोरोना भाइरसबाट बढी प्रभावित हुने मुलुकहरूमा क्रमशः अमेरिका, ब्राजिल, रूस, भारत, बेलायत, स्पेन, पेरू, चिली, इटाली र इरान रहेका छन् । दक्षिण एसियाली मुलुकहरूमा भारत सबैभन्दा बढी प्रभावित मुलुक हो भने पाकिस्तान, बङ्गलादेश र अफगानिस्तान रहेका छन् ।
तथापि, अमेरिका, भारत, डेनमार्क र इटालीसमेतका विश्वमा अतिप्रभावित मुलुकहरुले कोरोना भाइरस फैलिनेक्रम तीव्र रहेकै अवस्थामा लकडाउन खुकुलो बनाउन थालेका छन् ।
अमेरिकामा कुल २६ लाख १७ हजार ८४७ जना संक्रमित भएका छन् भने मृत्यु हुनेको संख्या १ लाख २८ हजार २४३ पुगेको छ । यस्तै, ब्राजिलमा १३ लाख १९ हजार २७४ जना संक्रमित भएकोमा ५७ हजार १४९ जनाको मृत्यु भएको छ ।
रसियामा कुल ६ लाख ३४ हजार ४३७ जना संक्रमित रहेकोमा ९ हजार ७३ को मृत्यु भएको छ । यस्तै भारतमा ५ लाख ४८ हजार ८१७ जना संक्रमित भएकोमा १६ हजार ४८५ जनाको मृत्यु भएको छ । एएफपीको सहयोगमा
प्रतिक्रिया