अमेरिकामा गत मे महिनामा पुरानो घर  किनबेच झण्डै १० प्रतिशतले कमी आएको छ ।

 

किस्तावन्दीमा घर किन्दा लाग्ने व्याजदर न्यून भएपनि कोभिड १९ भाइरसको त्रासले संभावित ग्राहक घर भित्र वस्नुपर्दा किनवेच हुने मुख्य महिना मे मा पुराना घरको बिक्री ९ दशमलव ७ प्रतिशतले नेशनल एशोसियशन अफ रेयल्टरस (एनएआर) ले सोमवार सार्वजनिक तथ्यांकमा उल्लेख छ ।

 

रियलस्टेट बजारमा पुराना घरको  किनबेचको हिस्सा झण्डै ९० प्रतिशत हुन्छ ।

 

यो तथ्यांकले कोभिड १९ ले रियलस्टेटमा पारेको प्रभावको पुर्ण जानकारी भने दिदैंन । घर किनवेचमा कोभिडको असर देखिनै बांकी छ । रियलस्टेट बजार विश्लेषकहरुले भने जुन महिनामा किन्नेहरु बृद्धि हुने वताउंछन् ।

 

घरको किनबेच प्रकृया पुरा हुन झण्डै २ महिना जति लाग्छ । मे महिनामा आएको तथ्यांक मार्च र अप्रिलसंग सम्वन्धित छ । जुन वेला कोभिड १९ को महामारीको त्रास उच्च थियो । मे महिना लागेयता त्रास कम हुदैं गएकाले घर विक्री बृद्धि हुने जनाईएको छ ।

 

घरको मूल्य केही घटेपछि किन्छु भनेर पखिर्ने ग्राहकहरु पनि छन् ।

 

अहिले घर किन्न दिइने ब्याजदर न्यून स्थान औषतमा ३ दशमलव १३ प्रतिशत छ । यसले पनि घर किन्न खोज्ने लोभिएका छन् । घरको मूल्यभने लगभग उही छ । एक बर्षको तुलनामा समान्य अर्थात करिव २ प्रतिशतले बढेको अध्ययनले देखाएको छ । कतिपय शहरमा माग बढी भएकाले पनि घरको मूल्य तल नझरेको हो ।

 

अमेरिकामा नयां घर निमार्णमा पनि समान्य सुधार आएको एनएआरले जनाएको छ । यसले गर्दा आउने दिनमा घर किन्नेहरुलाई अलिसजिलो हुने पनि एनएआरले जनाएको छ ।

 

कोभिड १९ पछि न्यूयोर्क जस्ता भिडभाडयुक्त शहरमा वस्नेहरु अलि खुला स्थानमा बसाई सर्ने क्रम वढेको छ । न्यूयोर्कवाट कयौं परिवार महामारी  वसाईंसरेका छन् । त्यहां वस्ने नेपालीहरु पनि नयां स्थानमा जान थालेका छन् ।

 

अपार्टमेण्टमा वस्दै आएकाहरु पनि कोभिड १९ को महामारीका कारण आफ्नो घर किन्न चाहेने बढेका छन् । यसले  एकल परिवार वस्ने घरको माग बढेको हो ।