राजनीति / समाज

थप एकसहित कोरोनाबाट मृत्यु हुनेको संख्या १० पुग्यो

120 पटक पढिएको

4th Jun 2020, Thursday | २०७७ जेष्ठ २२, बिहीवार ०८:००
काठमाडौँ । कोरोना भाइरसबाट नेपालमा थप एक जना व्यक्तिको मृत्यु भएको छ । पाल्पाको पूर्वखोला गाँउपालिका सिलुवाका ४५ वर्षीय पुरुषको कोरोना सङ्क्रमणबाट मृत्यु भएको पुष्टि भएको हो ।
 
यससँगै नेपालमा कोरोनाबाट मृत्यु हुनेको संख्या १० पुगेको छ । पाल्पाकै स्थानीय क्वारेन्टाइनमा रहेका उनी भारतबाट पाँच दिनअघि नेपाल आएका थिए ।
 
उनलाई स्वास्थ्यमा समस्या भएपछि पाल्पाको तानसेनस्थित मिसन अस्पताल भर्ना गरिएको थियो । 
 
उपचारका क्रममा यही जेठ २० गते निधन भएको थियो । मृत्युपछि उनको स्वाब परीक्षणका लागि भैरहवास्थित प्रदेश जनस्वास्थ्य प्रयोगशालामा पठाइएको थियो । जसमा रिपोट पोजेटिभ आएको हो । 
 
पछिल्लो २४ घन्टामा मुलुकभर पिसिआर विधिबाट तीन हजार ८६७ परीक्षण भएको छ भने आरडिटी विधिबाट पाँच हजार १८५ जनामा परीक्षण गरिएको छ ।
 
हालसम्म क्वारेन्टाइनमा रहनेको संख्या एक लाख ६१ हजार २६२ जना रहेको स्वास्थ्य मन्त्रालयले जनाएको छ ।