प्रवास

अमेरिकामा एक सातामा थप २४ लाख ३० हजार बेरोजगार

170 पटक पढिएको

21st May 2020, Thursday | २०७७ जेष्ठ ८, बिहीवार १०:००
वेलिङ्टन । अमेरिकामा गत हप्ता थप २४ लाख ३० हजार श्रमिकले बेरोजगार बनेको भन्दै आवेदन दर्ता भएका सरकारी अधिकारीले बताएका छन् ।
 
अमेरिकामा कोभिड–१९ को सङ्क्रमणको प्रभाव देखिएसँगै बेरोजगार दरमा निकै धेरै वृद्धि भएको बताइएको छ ।
 
सरकारी तथ्याङ्कअनुसार मार्च महिनाको मध्यदेखि गत हप्तासम्ममा बेरोजगार हुनेको सङ्ख्या तीन करोडभन्दा बढी पुगेका छन् । 
 
श्रम विभागको तथ्याङ्कअनुसार मे १६ सम्ममा बेरोजगार भत्ताका लागि नयाँ दाबीसहितका आवेदनको सङ्ख्यामा अघिल्ला केही हप्ताको तुलनामा केही घटेको छ ।
 
यद्यपि अझै पनि बेरोजगार भत्ताका लागि परेका निवेदनमा उल्लेख्य कमी भने आउन सकेको छैन ।
 
बेरोजगार दरमा पछिल्ला केही वर्षयताकै उच्च समस्या देखिएको छ । विश्वव्यापी महामारीका रूपमा फैलिएको कोरोना भाइरसका कारण धेरै राज्यहरूमा नियमितरूपमा औद्योगिक, व्यावसायिक गतिविधिमा स्वतः कमी आउँदा बेरोजगार दरमा उच्च वृद्धि देखिएको विभागले बताएको छ । एपी