प्रवास

कोभिड-१९ : विश्वभर ४८ लाख ९५ हजार संक्रमित, तीन लाख २० हजार १९२ को मृत्यु

223 पटक पढिएको

अमेरिकामा १५ लाख ५० हजार संक्रमित, मृत्यु हुनेको संख्या ९१ हजार ९८१ पुग्यो

हिमालयखबर संवाददाता | 19th May 2020, Tuesday | २०७७ जेष्ठ ६, मंगलवार ०१:३०
काठमाडौँ । विश्वभर प्रकोपको रुपमा फैलिएर अकल्पनीय जनधनको क्षति पुर्‍याएको कोरोना भाइरस (कोभिड-१९) बाट विश्वभर ४८ लाख ९५ हजार मानिस संक्रमित भएका छन् । जसमध्ये १९ लाख ९ हजार ४३३ निको भई घर फर्किएका छन् ।
 
विश्वका २१३ भन्दा बढी मुलुकमा संकट उत्पन्न गरेको कोभिड १९ बाट हालसम्म तीन लाख २० हजार १९२ मानिसको ज्यान गएको छ । अझै २६ लाख ६४ हजार ९५७ जना बिरामीले विभिन्न अस्पतालमा उपचार गराइरहेकोमा ४४ हजार ७७१ जनाको अवस्था जटिल रहेको कोरोना भाइरसको विवरण सार्वजनिक गर्दै आएको वल्र्डोमिटरले जनाएको छ । उपचाररत बिरामीमध्ये २६ लाख २० हजार १८६ को अवस्था मध्यम रहेको जनाइएको छ । 
 
कोरोना भाइरसबाट सबैभन्दा बढी संक्रमित र मृत्यु हुनेमा संयुक्तराज्य अमेरिका रहेको छ । यहाँ कुल १५ लाख ५० हजार २९४ जना संक्रमित भएकोमा मृत्यु हुनेको संख्या ९१ हजार ९८१ पुगेको छ । अमेरिकामा ११ लाख १ हजार ९३० जनाको उपचार जारी छ भने ३ लाख ५६ हजार ३८३ जना निको भई घर फर्किएका छन् । 
 
रसियामा २ लाख ९० हजार ६७८ संक्रमित रहेका छन् भने २७२२ जनाले ज्यान गुमाएका छन् । स्पेनमा २ लाख ७८ हजार १८८ जना संक्रमित भएकोमा २७ हजार ७०९ जनाको मृत्यु भएको छ । 
 
ब्राजिलमा २ लाख ५५ हजार ३६८ संक्रमित भएकोमा १६ हजार ८५३ को मृत्यु भएको छ । युकेमा २ लाख ४६ हजार ४०८ जना संक्रमित भएकोमा ३४ हजार ७९६ ले ज्यान गुमाएका छन् । यस्तै, इटालीमा २ लाख २५ हजार ८८६ जना बिरामी रहेकोमा ३२ हजार ७ को ज्यान गएको छ ।   
 
फ्रान्समा १ लाख ७९ हजार ९२७ संक्रमित छन् भने २८ हजार २३९ ले ज्यान गुमाएका छन् । यस्तै, जर्मनीमा १ लाख ७७ हजार २८९ जना संक्रमित भएकोमा ८१२३ जनाको मृत्यु भएको छ ।  
 
टर्कीमा १ लाख ५० हजार ५९३ बिरामी रहेकोमा ४१७१ जनाको निधन भएको छ । इरानमा १ लाख २२ हजार ४९२ संक्रमित छन् भने ७०५७ को मृत्यु भएको छ । भारतमा १ लाख १ हजार २६१ जना संक्रमित भएकोमा ३१६४ जनाको मृत्यु भएको छ । पेरुमा ९४ हजार ९३३ जना संक्रमित भएकोमा २७८९ जनाको ज्यान गएको छ । यस्तै, चीनमा ८२ हजार ९६० संक्रमित रहेकोमा ४६३४ जनाको मृत्यु भएको छ । क्यानडामा ७८ हजार ७२ जना संक्रमित भएकोमा ५८४२ ले ज्यान गुमाएका छन् । 
 
यसैगरी, बेल्जियममा ९०८०, मेक्सिकोमा ५३३२, नेदरल्याण्ड्समा ५६९४, इक्वेडरमा २७९९, पोर्चुगलमा १२३१, स्वीट्जरल्याण्डमा १८८६, स्वीडेनमा ३६९८, आयरल्याण्डमा १५४७ जनाको मृत्यु भएको छ । 
 
नेपालमा हालसम्म ३७५ जना संक्रमित रहेका छन् भने दुई जनाको मृत्यु भएको छ । ३६ जना उपचारपश्चात् निको भएका छन् । कोरोना रोकथामका लागि सरकारले जेठ २० गतेसम्म लकडाउन थप्ने घोषणा गरेको छ । एजेन्सीहरुको सहयोगमा