हिमालयखवर संवाददाता

अमेरिका- अमेरिकामा बस्दै आएका नेपाली युवा आर्थर गन अर्थात दिवेश पोखरेलले अमेरिकन आइडलको उपविजेता भएका छन् । नेपाली समुदायले उनी प्रथम हुने अाशा र अपेक्षा गरेका थिए । तर उनले दोस्रो स्थानमा चित्त वुझाउनु परेको छ । २१ बर्षिय आर्थरले अन्तिम चरणमा पुगेका ७ जना प्रतिस्पर्धीलाई पछाडी पार्दै एवीसी च्यानलमा प्रसारित १८ औं संस्करणको अमेरिकन आइडलको उपविजेता वनेका हुन् ।

 

प्रतिस्पर्धी  जस्ट साम अमेरिकन आइडल बनेकी छन् । अफ्रिकन मुलुक लाइबेरियाबाट अाएर अमेरिकामा उनी संघर्षशील जीवन बिताइरहेकी थिइन्  । यो कार्यक्रम अमेरिकी सांगितिक क्षेत्रमा प्रवेश गर्ने सुनौलो अवसर हो । कार्यक्रम आयोजकले पनि विजेतालाई तत्काल पुरस्कारका साथै सांगितिक क्षेत्रमा आउन विभिन्न प्रकारले प्रोत्साहन गर्छन ।

 

भोटका आधारमा साम र आर्थर उस्कृष्ट दुइमा मा पुगेका थिए ।

 

अमेरिकामा यस्तो प्रतिष्ठित सांगितिक प्रतियोगिता उपविजेता हुने आर्थर पहिलो नेपाली युवा भएका छन् । आर्थरसंगैं यो कार्यक्रममा नेपालको पनि प्रवर्धन पनि भएको छ । आर्थरसँगै पटक पटक नेपाल र काठमाडौ पनि देखाईएको थियो । आइतवार फाइनलका दिन एकजना निर्णायकले त , काठमाडौमा तिमी जस्तै अरु प्रतिभाशाली युवालाई अर्को अर्को सिजनका अमेरिकन आइडलमा जान भन है, भन्ने सुझाव समेत दिएका थिए ।

 

अनलाइन भोटका आधारमा आर्थर पनि अगाडी आएका थिए । अमेरिका लगायत विश्वभरका सयौं नेपालीले उनका पक्षमा भोट हाल्न आग्रह गरेका थिए ।  कयौं नेपालीले आर्थरको पक्षमा सामाजिक संजाल तताएका थिए । उनलाई मनपराउने, भोट हाल्न र समाजिक संजालमा प्रतिकृया दिनेमा अमेरिकीहरु पनि कम थिएनन् । निर्णायकहरुले पनि आर्थरको पटक पटक प्रशंसा गरेका थिए । एकजनाले अनलाइनमा ३० वटा सम्म भोट गर्न पाउने व्यवस्था थियो ।

 

काठमाडौमा स्कुल सकेर २०१४ मा अमेरिका आएका आर्थरको सरलतालाई अमेरिकन आइडलका निर्णायक र दर्शकले मन पराएका थिए ।  गितारमा पर्दामा देखिने गरेका आर्थर अमेरिकाको विविधिकरणको प्रतिनिधित्व पनि गरेका थिए । अन्तिम चरणमा पुगेका सातै जना युवा प्रतिभाशाली त थिए नै यसवाहेक उनीहरुका आ आफ्नै कथा थिए ।