मेक्सिको सिटी (मेक्सिको) । मेक्सिकोले कोरोना वियरको उत्पादन अस्थायी रुपमा बन्द गरेको छ । वियर उत्पादक ग्रूपो मोडेलोले बिहीवार कोरोना वियर र अन्य ब्रान्डहरुको उत्पादन बन्द गरेको छ ।

 

कोरोना भाइरसको संक्रमण फैलिन नदिन सरकारले जारी गरेको आदेशमा कम्पनीको व्यवसायिक गतिविधि गैर–अत्यावश्यक घोषित गरेपछि कम्पनीले यस्तो कदम चालेको हो ।

 

कोरोना भाइरस संक्रमितको संख्या एक नाघेपछि मेक्सिको सरकारले यसै हप्ता स्वास्थ्य संकटकालको घोषणा गर्दै अत्यावश्यक बाहेकका सबै गतिविधिमा रोक लगाएको थियो ।

 

उत्पादन बन्द आइतवारदेखि लागू हुने कम्पनीले एक विज्ञप्तिमा बताएको छ । कोरोना भाइरससँग मिल्दो नामका कारण माग घट्न थालेपछि कम्पनीले यस अघि नै उत्पादनमा कटौती गरेको थियो ।

 

उत्पादन प्रतिबन्ध हटेपछि सुचारु हुने बताइएको छ । कृषि र खाद्य उत्पादन अत्यावश्यक गतिविधि अन्तर्गत पर्छ ।

 

सरकारले वियरलाई एग्रो–इन्डष्ट्रिय उत्पादनको मान्यता दिएको छ । ७५ प्रतिशतभन्दा बढी कर्मचारीलाई घरबाटै काम गर्न दिइने योजनासमेत कम्पनीले तयार पारेर राखेको छ । एजेन्सी