प्रवास

कोरोना महामारीबाट १९९ देशका २६ हजार ३७५ जनाको मृत्यु, इटालीमा एकै दिन ९१९ को मृत्यु

1105 पटक पढिएको

अमेरिकामा संक्रमितको संख्या ९३ हजार ४१५ पुगेको छ भने १३८५ जनाले ज्यान गुमाएका छन् ।

हिमालयखबर संवाददाता | 27th Mar 2020, Friday | २०७६ चैत्र १४, शुक्रबार २३:३०
काठमाडौँ । चीनको वुहान सहर हुँदै विश्वव्यापी महामारीका रुपमा फैलिएको कोरोना भाइरस (कोभिड–१९) संक्रमणको कारण शुक्रबार रातिसम्म २६ हजार ३७५ व्यक्तिको मृत्यु भएको छ ।
 
विश्व स्वास्थ्य संगठन तथा कोरोना भाइरससम्बन्धी विवरण संकलन गर्दै आएका अन्तर्राष्ट्रिय सञ्चारमाध्यमले सार्वजनिक गरेको विवरणअनुसार विश्वभर पाँच लाख ७५ हजार १६० जना कोरोना भाइरस संक्रमित भएका छन् । जसमा एक लाख २९ हजार ९६९ जना उपचारपछि घर फर्किएका छन् । चार लाख १८ हजार ५०० व्यक्तिको हाल उपचार भइरहेको छ । जसमा २१ हजार ६४१ जनाको अवस्था जटिल रहेको समाचारमा जनाइएको छ । 
 
कोरोना भाइरस (कोभिड–१९) को संक्रमण हालसम्म १९९ भन्दा बढी देशमा देखा परिसकेको छ । कोभिड–१९ लाई विश्व स्वास्थ्य संगठनले ‘विश्वव्यापी महामारी’को संज्ञा दिएको छ ।
 
चीनमा हालसम्म ८१ हजार ३४० व्यक्ति यो भाइरसबाट संक्रमित भएकोमा ज्यान गुमाउनेको संख्या ३२९२ पुगेको छ । चीनमा यस महामारी नियन्त्रणतर्फ उन्मुख भएको छ । चीनमा ७४ हजार ५८८ जना उपचारपश्चात् घर फर्किसकेका छन् । अब जम्मा संक्रमित ३४६० जनाको उपचार जारी छ । जसमध्ये १०३४ को अवस्था गम्भीर छ । 
 
अमेरिकामा कोरोना भाइरसको प्रकोप उच्च गतिमा बढिरहेको छ । एकै दिन ७ हजार ८९४ संक्रमित थपिएपछि अहिले संक्रमितको संख्या ९३ हजार ४१५ पुगेको छ भने १३८५ जनाले ज्यान गुमाएका छन् । 
 
इटाली पनि कोरोना भाइरसको संक्रमण नियन्त्रण गर्न असफल भएको छ । पछिल्लो केही दिनको संक्रमणको तीव्रता हेर्दा यस महामारी नियन्त्रण बाहिर गइसकेको प्रष्ट भएको छ । इटालीमा हालसम्म ८६ हजार ४९८ जना संक्रमित भएकोमा ९१३४ जनाको ज्यान गएको छ । पछिल्लो चौबीसघन्टामा इटालीमा ९१९ जनाको मृत्यु भएको छ ।
 
स्पेनमा ६४ हजार ५९ व्यक्ति संक्रमित छन् भने हालसम्म ४९३४ जनाले ज्यान गुमाएका छन् । स्पेनमा एकैदिन ५६९ जनाले ज्यान गुमाएका छन् । 
 
यस्तै, जर्मनीमा ४९ हजार ३४४ संक्रमित छन् भने ३०४ जनाको मृत्यु भएको छ । इरानमा ३२ हजार ३३२ जना संक्रमित भएकोमा २३७८ जनाले ज्यान गुमाएका छन् । इरानमा एकै दिन १४४ जनाले ज्यान गुमाएका छन् । 
 
यसैगरी, फ्रान्समा २९ हजार १५५ संक्रमित भएकोमा १६९६ जनाले ज्यान गुमाएका छन् । ३६५ जना नयाँ मृत्यु भएको छ । स्वीट्जरल्याण्डमा १२ हजार ३११ संक्रमित छन् भने २०७ जनाको ज्यान गएको छ । युकेमा १४ हजार ५७९ संक्रमित भएकोमा ७५९ जनाको मृत्यु भएको छ । दक्षिण कोरियामा ९३३२ जना कोरोनाबाट प्रभावित छन् भने १३९ जनाको मृत्यु भएको छ । 
 
नेदरल्याण्ड्समा ८६०३ संक्रमित भएकोमा ५४६ जनाको मृत्यु भएको छ । अस्ट्रियामा ७३९३ संक्रमित भएकोमा ५८ जनाको ज्यान गएको छ । बेल्जियममा ७२८४ संक्रमित भएकोमा २८९ जनाको मृत्यु भएको छ । यस्तै, नर्वेमा १७, क्यानडामा ३९, पोर्चुगलमा ७६, डेनमार्कमा ५२, अस्ट्रेलियामा १३, स्वीडेनमा ९२, ब्राजिलमा ७७ जनाको मृत्यु भएको छ । जापानमा १३८७ संक्रमित छन् भने ४७ जनाको कोरोना भाइरसको संक्रमणबाट मृत्यु भएको छ । यस्तै, भारतमा २० जनाको मृत्यु भएको छ भने ८६३ संक्रमित छन् ।  
 
नेपालमा पनि चार व्यक्तिमा कोरोनाको संक्रमण देखिएकोमा एक जना निको भएका छन् । सरकारले मंगलबारदेखि एक सातासम्म देशका ७७ वटै जिल्लामा लकडाउन गरेको छ । एजेन्सीहरुको सहयोगमा