अमेरिका – अमेरिकामा अधिकांश नागरिकले राहत स्वरुप १२ सय अमेरिकी पाउने भएका छन् । अमेरिकी संसदमा वुधवार यस वारेमा सहमती भएको हो ।
तर, यो राहत पाउनेका लागि वार्षिक आम्दानी व्यक्तिगत भए ७५ हजार र परिवार भए १ लाख ५० हजार भन्दा कम हुनुपर्ने छ । १७ बर्ष भन्दा कमका बालबालिका भएका परिवारले एक जना वरवार ५ सय डलर थप पाउने छन् । परिवार हुनेले २४ सय डलर पाउने छन् ।
कोरोना भाइरसको संक्रमणले महामारीको रुप लिएपछि अमेरिकी सरकारले यस्तो निर्णय गरेको हो । यसका लागि सरकारले २५० अर्ब अमेरिकी डलर खर्च गर्ने छ ।
गत बर्ष कर दाखिला ट्याक्स फाइल गरेको विवरणका आधारमा आम्दानी हेरिने छ । करिव ९० प्रतिशत अमेरिकी नागरिकले राहत पाउने छन् । सरकारले दिने उक्त रकमको चेक भने मे महिनामा मात्र सर्वसाधारणले पाउने छन् । यस अघि पनि आर्थिक मन्दीमा अमेरिकाले सर्वसाधारणलाई चेक पठाएको थियो । यो प्राप्त हुन ६ साता लागेको थियो ।
अमेरिकाको राजश्व विभाग आईआरएसले यो चेक पठाउने छ ।
यसवाहेक अमेरिकी सरकारले ल्याएको राहत प्याकेजमा साना र ठूला व्यवसायीलई कर्जा सहयोग, कारोना उपचार गर्ने अस्पताललाई सहयोग, विमान कम्पनीलाई सहयोग लगायतका छन् । यो सहयोग प्याकेजको रकम २ ट्रिलियन डलर बरावरको छ ।
प्रतिक्रिया