हिमालयखवर संवाददाता
अमेरिका- नेपालमा अमेरिकी डलरको मूल्य अहिलेसम्मै महंगो भएको छ । बैंकले सर्वसाधारणसंग डलर किन्दा प्रति डलर १२१ रुपैंया ७४ पैसा पुगेको छ । सर्वसाधारणले नेपालमा बैंकसंग अमेरिकी डलर किन्दा भने १२२ रुपैंया २४ पैसा तिर्नु पर्ने छ । यो अहिलेसम्मकै सवैभन्दा महंगो हो ।
कोरोना भाइरसका कारण भारतको अर्थतन्त्रमा गिरावट आईरहेकाले नेपालमा डलरको मूल्य वढेको हो । भारु र नेरु विच एउटै दर भएकाले भारतमा डलर वढ्े लगत्तै नेपाली रुपैंया पनि कमजोर हुन्छ ।
भारतले कोरोना भाइरसका कारण तीन साताका लागि लकडाउन गरेको छ । यसको असर अझै आउन बांकी छ ।
केही दिन यता भारतीय शेयर बजारमा उच्च गिरावट आएको छ । त्यहां विदेशी लगानीकर्ताले पैसा फिर्ता लैजान थालेपछि डलरको अभाव भएको हो । यस्तै भारु पनि कमजोर भयो । यसको सिधा असर नेपालमा परेको हो ।
विदेशमा अमेरिकी डलर कमाउने नेपालीलाई भने यो वेला पैसा पठाउंदा फाइदा हुन्छ । यो नेपालमा डलर पठाउने वेला हो । तर, नेपालवाट पैसा ल्याउंदा भने नोक्सान पर्छ ।
अमेरिकी डलर मजबुत भएपनि अष्टे्रलियन डलरभने कमजोर भईरहेको छ । अष्ट्रेलियाको अर्थतन्त्रमा विभिन् समस्या देखिपछि अष्ट्रेलियन डलर कमजोर भएको हो । एक अष्ट्र्रेलियन डलर बरावर करिव ७० रुपैंया दर तोकिएको छ ।
विश्व बजारमा कच्चा तेलको मूल्य भने घटेको छ । यसले उपभोक्ताले भने सस्तोमा तेल पाएका छन् । अमेरिकामा पनि तेलको मूल्य निकै तल झरेको छ । अधिकांश राज्यमा प्रति ग्यालन तेल मूल्य २ डलर भन्दा तल झरेको छ । केही राज्यमा त एक डलरभन्दा कममा एक ग्यालन ग्यांस पाइने भएको छ ।तस्बिर: सामाजिक संजाल
प्रतिक्रिया