अमेरिका – अमेरिकाको टेक्सस राज्य स्थित अर्भिङमा बस्ने एक नेपाली युवक नयन राज पाण्डेले कोरोना भाइरसको नाममा ,गलत र भ्रामक भिडियो यतिखेर सामाजिक संजालमा भाइरल बनेको छ । उक्त भिडियोले गर्दा उनि विवादमा तानिएका छन् । पाण्डेले टिक टक भिडियो मार्फत काठमाडौंको टेकु अस्पतालमा कोरोनाबाट मान्छे मरेको लास देखेको भन्दै आधारहिन भिडियो बनाएका थिए ।
यस्तो परिस्थिमा समाजमा असर पर्ने र नेपालमा कोरोनाको सङ्क्रमण देखिएको र केहीको मृत्युसमेत भएको भनी उनले भ्रामक श्रव्य सामग्री (भिडियो) रेकर्ड गरेर सामाजिक सञ्जालमा राखेका थिए ।
येसरिनै सामाजिक संजालमा भ्रामक श्रव्य सामग्री (अडियो) बनाई सामाजिक सञ्जालमा राख्ने अर्का युबकलाई नेपाल प्रहरीले पक्राउ गरेको छ । रामेछाप घर भई भक्तपुरको सिपाडोल बस्ने विवेक थापा मगरलाई पक्राउ गरिएको प्रहरी प्रवक्ता प्रहरी नायब महानिरीक्षक शैलेश थापा क्षेत्रीले जानकारी दिए ।
थापा मगरलाई साइबर अपराधसँगै सार्वजनिक शान्ति सुरक्षाविरुद्धको कसुरमा प्रहरीको साइबर ब्यूरोले अनुसन्धान गरिरहेको उनले जानकारी दिए । मगरले विनादर्ता सञ्चालन भएको ‘झोर्ले न्युज डट कम’का सञ्चालन भएको बताइएको छ ।
अमेरिकामा पनि नेपाली समुदाय विच कोरोना भाइरसका वारेमा विभिन्न हल्ला चलिरहेका छन् । केही दिन अघि न्यूयोर्कमा एक जना नेपालीलाई कोरोना भाइरस लागेको हल्ला चलेको थियो । तर, ती नेपालीका आफन्तले पछि यो हल्ला सत्य नभएको र अन्य स्वास्थ्य समस्याले ती नेपाली अस्पताल गएको सार्वजनिक गरेका थिए ।
समाजमा असर पर्ने यस्तो कुराहरु नगर्नको लागि समाजकका अगुवाहरुको आब्हान छ । आधारहिन समाचार ,भिडियो लगाएतका सामग्रीहरुको विश्वास नगर्न नेपाल सरकारले पटक पटक सूचना जारी गरिसकेको छ I
तस्बिर : नयन राज पाण्डेको सामाजिक संजाल
प्रतिक्रिया