हिमालयखवर संवाददाता

अमेरिका- अमेरिकी राष्ट्रपति डोनाल्ड ट्रम्पले अमेरिकामा कोरोना भाइरस संक्रमण वढ्दै गएपछि युरोपका नागरिकलाई यात्रा प्रतिवन्ध लगाएका छन् । यसमा बेलायतका नागरिकलाई भने वाहेक गरिएको छ ।

 

कोराना भाइरसको संक्रमण फैलिन नदिन शुक्रवार देखि ३० दिनका लागि यो प्रावधान लागु हुने छ ।

 

वुधवार टेलिभिजन सम्वोधनमा राष्ट्रपति ट्रम्पले कोराना भाइरस प्रभावितलाई विभिन्न आर्थिक र वित्तीय सहयोगको पनि घोषणा गरेका छन् । तर, ट्रम्पले अहिलको अवस्था आर्थिक संकट भने नभएको वताएका छन् । उनले कोराना भाइरसलाई सम्वोधनका लागि कांग्रेससंग ३० अर्ब अमेरिकी डलर मागेका छन् ।

 

अमेरिकामा कोरोना भाइरसको संक्रमण वढ्दो छ । बुधवार १२ सय भन्दा वढी संक्रमित भेटिएका छन् । यस मध्ये ३७ जनाको मृत्यु भएको छ । चर्चित कलाकार टम ह्यांक्सपनि कोरोनावाट प्रभावित भएका छन् । २३ राज्यले कोराना भाइरस संक्रमणकाल घोषणा गरेका छन् । यो भाइरसका कारण राष्ट्रपति ट्रक्मका कार्यक्रमपनि प्रभावित भएका छन् ।

 

विश्व स्वास्थ्य संगठनले कोरोना भाइरस महामारी घोषणा गरेको गरेकै दिन राष्ट्रपति ट्रम्पले टेलिभिजन सम्वोधन गरेका हुन् । अमेरिकी नागरिकको सुरक्षाका लागि ह्वाइहाउसले जुनसुकै कदम चाल्न पनि तयार रहेको वताएका छन् । तस्बिर : सामाजिक संजाल