मनोरञ्जन

प्रेम दिवसमा गीतकार बिटुको नयाँ गीत सार्वजनिक

774 पटक पढिएको

हिमालय खबर | 15th Feb 2020, Saturday | २०७६ फाल्गुन ३, शनिबार ०७:२३
यी आँखाले ती आँखालाई हेरिरहन पाए हुन्थ्यो
नछुटोस यी हात संधै यस्तै साथ पाए हुन्थ्यो ....
 
प्रेम दिवसमा एउटा मिठो प्रेमिल सांगीतिक कोसेली दिएकि छिन् मायालु मनहरुलाई , गीतकार बिटु केसीले ।
यो गीत प्रेम दिवसको अवसरमा हिमालयखबरको आधिकारिक वेभसाइट मार्फत यूट्यूबबाट सार्वजनिक गरिएको हो । केसीको यो सुमधुर गीतले स्रोताहरुको मन छुने विश्वास गरिएको छ ।
 
संगीतकार अनिल शाहीको संगीत रहेको यस गीतमा गायक किरण भुजेलको स्वर रहेको छ । भुजेल नेपाल आइडल सीजन तीनका सशक्त दावेदारको रुपमा छन अहिले ।
 
आधामन एल्बमको चौंथो कोसेलीको रुपमा यो गीत बजारमा आएको हो ।
 
यसभन्दा अघि " तिमीले बोले मात्रै पुग्छ यो मनलाई ....." ,
"मायालुको बात मिठो, विताएका साथ मिठो"
र " आधा मन स्वदेशमै यहाँ आधा बाँचेको छु , मुटुभित्र नेपालको माया साँचेको छु ..." बोलका गीतहरु सार्वजनिक भइसकेका छन् । " आधा मन " र " यी आँखाले " बाहेक अरु गीत भीडियोसहित सार्वजनिक भएको हो ।
 
आधामन एल्बमबाट अब अर्को अन्तिम मिठो गीत " किन किन तिम्रो माया आकाश आकाश जस्तो लाग्यो ..." भीडियो शूट हुने तरखरमा छ । संगीतकार शाहीले हिमालयखबरलाई यो गीत चाँडैनै सार्वजनिक हुने जानकारी दिए । गीतमा सुरिलो आवाज दिएकि छिन् गायिका जीना रसाईलीले ।
 
आधामन एल्बमका सबै पाँच गीतहरुलाई संगीतबद्ध गरेका छन स्ट्रिंग अफ सुल्तान , संगीतकार अनिल शाहीले ।
 
यसैबीच नयाँ वर्ष पारेर गत जनवरीमा " बत्ति निभेको सहर भो जिन्दगी ...." एउटा वियोगान्त गीत सार्वजनिक भएको थियो । सो गीतमा चर्चित संगीतकार आलोक श्रीको संगीत र गायिका सुम्निमा लोको मिठो स्वर रहेको छ ।
 
एकै वर्षको अन्तरालमा आधा दर्जन गीतहरु दिएर एउटी उदयीमान गितकारको रुपमा परिचित हुँदै छिन बिटु केसी । प्रवासबाट नेपाली सांगीतिक आकाशमा उनका गीतहरुले आशा लाग्दो उडान भरेको छ ।