अमेरिका । नेपाल पत्रकार महासंघ बाँकेका पूर्वसभापति प्रेस स्वतन्त्रता सेनानी पन्नालाल गुप्ताको असामयिक निधनप्रति नेपाल अमेरिका पत्रकार संघ (नेजा)ले गहिरो दुःख व्यक्त गरेको छ ।
नेजाका कार्यवाहक अध्यक्ष विकासराज न्यौपाने र महासचिव किरण मरहठ्ठाले शोक विज्ञप्ति प्रकाशित गर्दै नेपाली पत्रकारिताको क्षेत्रमा महत्वपूर्ण योगदान पु¥याएका गुप्ताको निधनले पत्रकारिता क्षेत्रमा ठूलो क्षति पुगेको जनाएका छन् ।
लामो समयदेखि प्रदेश ५ को नेपालगञ्ज सहरबाट किरण साप्ताहिक प्रकाशन तथा सम्पादन गर्दै आएका थिए । नेपाल पत्रकार महासंघद्वारा २०६० सालमा प्रेस स्वतन्त्रता सेनानी सम्मान प्राप्त गरेका गुप्ताको ४ छोरा र ३ छोरी छन् । पत्रकार गुप्ताको ९२ वर्षको उमेरमा निधन भएको हो ।
पत्रकारिता क्षेत्रमा विशिष्ट पहिचान बनाउन सफल स्व. गुप्ताप्रति नेपाल अमेरिका पत्रकार संघले हार्दिक श्रद्वाञ्जली व्यक्त गर्दै शोकसन्तप्त परिवारजनमा हार्दिक समवेदना प्रकट गरेको छ ।
प्रतिक्रिया