अमेरिका – भारतले नेपाललाई यो बर्षका लागि ८ सय करोड भारतीय रुपैंया बरावरको सहयोग दिने घोषणा गरेको छ ।
शुक्रवार सार्वजनिक भारतको बजेटमा उक्त सहयोग प्रस्तावित गरिएको हो । यो सहयोग अघिल्लो बर्षको तुलनामा ४ सय करोड भारुले कम छ ।
भारतले बजेटमा आउने आर्थिक बर्षका लागि विभिन्न देशलाई बैदेशिक सहयोग मार्फत ५८६४ करोड भारु बरावरको सहयोेग गर्ने घोषणा गरेको छ । यस मध्ये सवैभन्दा वढी प्राप्त गर्ने देशमा भुटान छ । भारतसंग जोडिएको सानो देश भुटानका लागि भारतले २८८५ करोड भारु सहयोग गर्ने भएको छ । चीनको प्रभावलाई रोक्ने भारतले यस्तो सहयोग गर्दै आएको छ ।
आउने आर्थिक बर्ष भारतीय सहयोग ४ सय करोड भारुले घट्नुमा अघिल्लो बर्ष नेपाललाई प्रदान गरिएको सहयोग उपयोग नहुने मुख्य कारण रहेको वताईएको छ । अघिल्लो बर्ष भारतले नेपाललाई १२ सय करोड भारु सहयोग गर्ने घोषणा गरेको थियो । तर, यो रकम पुरा खर्च भएको छैन ।
भारतको बजेट मार्फत सहयोग प्राप्त गर्ने देशमा अफगानिस्तान ४ सय करोड, म्यान्मार ३ सय करोड, श्रीलंका २०० करोड सिसेल्स ९० करोड, बंगलादेश ५० करोड भारु छन् ।
प्रतिक्रिया