हिमालयखवर संवाददाता
अमेरिका- अमेरिकाले कोरोना भाइरस प्रकोपका कारण चीनवाट आउने विदेशीलाई पुर्वी समय अनुसार आइतवार पांच बजेपछि प्रवेश नदिने घोषणा गरेको छ ।
पछिल्लो दुई साता यता चीन वसेर आउने विदेशलाई अमेरिका प्रवेशमा रोक लगाईएको अमेरिकाका हेल्थ एण्ड ह्यूमन सर्भिसेज सचिव एलेकस अजरले शुक्रवार घोषणा गरेका हुन् ।
हालै देखापरेको नोवल कोरोना भाईरसको संक्रमण अमेरिकामा फैलिन सक्ने त्रासका कारण सुरक्षात्मक उपायका लागि अस्थायी रुपमा यस्तो कदम चालिएको सचिव अजरले वताएका छन् ।
चीनको वुहान क्षेत्रवाट आउने अमेरिकी नागरिकलाई पनि दुई साता अनिवार्य निरिक्षणमा वस्नुपर्ने भएको छ ।
चीनवाट फैलिएको कोरोना भाइरसले महामारीको रुप लिदैं गएको हुदां अमेरिकाले यस्तो नीति लिएको हो । अमेरिकाले शुक्रवारनै कोरोना भाइरस सार्वजनिक स्वास्थ्य आपतकाल पनि घोषणा गरेको छ । विश्व स्वास्थ्य संगठनले विहिवार नै आपतकाल घोषणा गरेको थियो ।
कोरोना भाइरसले १० हजार भन्दा वढी प्रभावित भएका छन् । जस मध्ये ९ हजार भन्दा वढी चीनमा प्रभावित भएका हुन । यो संख्या प्रत्येक दिन वृद्धि भईरहेको छ । संक्रमित मध्ये २ सय १३ जनाको मृत्यु भएको छ । अमेरिकामा पनि ६ जनामा यस्तो भाईरस पाइएको छ ।
कोरोना भाइरसका कारण अमेरिकाको शेयर बजार पनि प्रभावित भएको छ । शुक्रवार शेयर बजार परिसुचक ६ सय अंकले तल झरेको छ । केही महिना देखि लगातार बृद्धि भईरहेको शेयर बजारमा बे्रक लाग्दै शुक्रवार उच्च गिरावट आएको हो । कोरोना भाइरसले अमेरिकी अर्थतन्त्रमा समेत असर पर्ने विश्लेषण सार्वजनिक भएको छ । तस्बिर सामाजिक संजाल
प्रतिक्रिया