मनोरञ्जन

गायिका आस्था राउत धरौटीमा रिहा

382 पटक पढिएको

28th Jan 2020, Tuesday | २०७६ माघ १४, मंगलवार ०८:१५

काठमाडौँ । अभद्र व्यवहार कसुरअन्तर्गतको मुद्दामा जिल्ला प्रशासन कार्यालय काठमाडौँले गायिका आस्था राउतलाई धरौटीमा छाड्न आदेश दिएको छ ।

काठमाडौँका प्रमुख जिल्ला अधिकारी जनकराज दाहालको इजलासले रु चार हजार धरौटीमा छाड्न आदेश दिएको थियो ।

त्रिभुवन अन्तर्राष्ट्रिय विमानस्थलमा सुरक्षा जाँचका क्रममा भएको घटनालाई लिएर गायिका राउतले प्रहरी सङ्गठनलाई नै गालीगलौज गरेपछि प्रहरीले कारबाही प्रक्रिया थालेको थियो ।

सोमबारमात्रै प्रशासन कार्यालयबाट चार दिनको म्याद लिएर अनुसन्धान थालेको प्रहरीले अनुसन्धानमा सहयोग गरेको र गल्तीको महसुस गरेकाले आजै अनुसन्धान पूरा गरी सरकारी वकिलको कार्यालयलाई मिसिल बुझाएको हो ।

गायिका राउतले आफूलाई विमानस्थलमा रहेको महिला प्रहरीले ‘तँ’ भनेर दुव्र्यवहार गरेको भन्दै अघिल्लो हप्ता सामाजिक सञ्जालमार्फत प्रहरीलाई गालीगलौज गरेको भिडियो सामाजिक सञ्जालमा सार्वजनिक गरेकी थिइन् ।

उक्त घटनाको सीसी टिभी फुटेजमा प्रहरीको भन्दा गायिका राउतको गतिविधि शङ्कास्पद देखिएको प्रहरीको जिकिर थियो । रिहापछि गायिका राउतले आफूले गल्ती गरेको स्वीकार गरेकी छन् ।