हिमालयखवर संवाददाता-

वुधवार विहान टाइम म्यागेजिनले जलवायु परिवर्तन अभिन्यता (एक्टिभिष्ट) स्वीडेनकी १६ बर्षिय किशोरी ग्रेटा थनवर्गलाई सन् २०१९ को टाइम बर्ष व्यक्ति घोषणा गरेको छ ।

 

यस बर्ष संयुक्त राष्ट्रसंघले आयोजना गरेको जलवायु सम्मेलनमा पर्यावरणमा आएको मानव सृजित संकट रोक्न विश्वका नेताहरु असफल रहेको र आफ्नो भविष्य असुरक्षित वनाईदिएको आरोप उनले लगाएकी थिईन । त्यहां उनले दिएको विश्वका नेताहरुलाई लक्षित हाउ डेयर यु भाषण विश्वभर चर्चा पाएको थियो ।

 

उक्त सम्मेलनमा ग्रेटाले बोल्दै गर्दा विश्वका शक्तिशाली नेताहरु पनि उपस्थित थिए । उनलाई किन टाइम बर्ष व्यक्ति चुनियो भन्नेमा टाइमले लेखेको छ , १६ बर्षिय यी किशोरीले यो वर्ष जलवायु परिवर्तन मुद्दा उठाउंदै स्वीडेनको संसद वाहिर प्रर्दशन गरिन र त्यसपछि यस मुद्दामा विश्वभरका युवालाई आन्दोलनमा सहभागी गराई नेतृत्व दिईन । छोटो समयमै उनले संयुक्त राष्ट्र संघका महासचिवसंग भेटघाटको अवसर पाइन र विश्वका नेताहरु जसमा कयौं देशका राष्ट्रपति र धर्मगुरु पोपपनि सहभागी रहेको कार्यक्रममा निडर हुदैं जलवायु परिवर्तन रोक्न उनीहरुले पर्यात काम नगरेको वताइन् ।

 

उनले यसै मुद्दामा युरोपभर फ्राइडे फर फ्यूचर प्रदर्शनीको पनि नेतृत्व गरेकी थिइन् । टाइमले भनेको छ विश्वकै सवैभन्दा प्रमुख मुद्दामा ग्रेटा सवैभन्दा प्रखर आवाज लिएर उदाएकी छिन् । उनले पर्यावरण वचाउने मुद्दामा भाषण र आश्वासन होइन ठोस काम हुनुपर्यो भन्ने माग गर्दै आएकी छिन् । यस क्रममा यस बर्ष दिईएको पर्यावरण पुरष्कार पनि उनले वहिष्कार गरिन् । पुरष्कार दिएर होइन ठोस काम गर भन्ने सन्देश दिदैं उनले जलवायु परिवर्तन सम्वन्धि दिइएको उक्त पुरष्कार वहिष्कार गरेकी थिईन ।

 

हगंकगंका प्रर्दशनकारी, अमेरिकाको कांग्रेसमा सभामुख नेन्सी पोलसी र राष्ट्रपति डोनाल्ड ट्रम्पलाई पछि पार्दै ग्रेटा यस बर्षको टाइम बर्ष व्यक्ति भएकी हुन् । राष्ट्रपति ट्रम्पले ग्रेटाको हाउ डेयर यु भाषण प्रति व्यगं गर्दै दिएको अभिव्यक्ति त्यसवेला धेरैले आलोचना गरेका थिए ।

 

टाइमले सन् १९२७ देखि बर्ष व्यक्ति घोषणा गर्दै आएको छ । तस्बिर : सामाजिक संजाल