मनोरञ्जन

छोरा राम लिम्बुलाई जिताइदिन आमा पुष्पा शेर्पाको आग्रह (भिडियोसहित)

285 पटक पढिएको

‘द भ्वाइस नेपाल’मा चार प्रतियोगीको अन्तिम प्रतिस्पर्धा

- हिमालयखबर संबाददादा | 3rd Dec 2019, Tuesday | २०७६ मंसिर १७, मंगलवार १४:००
काठमाडौँ । अन्तर्राष्ट्रिय गायन रियालिटी शो ‘द भ्वाइस’ को फ्रेन्चाइज ‘द भ्वाइस नेपाल’को दोस्रो सिजनको अन्तिम भिडन्तमा राम लिम्बु, सनिश श्रेष्ठ, आरिफ राउफ र विकास लिम्बु शीर्ष उपाधिका लागि लड्दैछन् ।
 
यही चार प्रतियोगीमध्ये एक जना भाग्यमानी भ्वाइस अफ नेपालको विजेता बन्दैछन् । विजेताका लागि अब भने चार निर्णायकको हातमा छैन । प्रतियोगिता भोटिङ चरणमा प्रवेश गरिसकेको छ । चार जनामध्ये एक जनालाई शीर्ष उपाधि दिलाउन दर्शकको भोट नै निर्णायक हुनेछ ।
 
भ्वाइस अफ नेपालको भोटिङ चरण खुला गरिएको छ । शुक्रबार र शनिवारको एपिसोडमा प्रतियोगीहरुको प्रस्तुति हेर्न पाइनेछ । उक्त प्रस्तुतिको आधारमा दर्शकले प्रतियोगीलाई भोट गर्न सक्नेछन् । आगामी शुक्रबार रातिसम्म अन्तिम प्रस्तुतिसम्म भोटिङ लाइन खुला हुनेछ ।
 
भोटिङका लागि एसएमएसमार्फ़त र प्रभु–पे मोबाइल एप डाउनलोड गरी दर्शकले आफूलाई मनपर्ने प्रतियोगीलाई भोट गर्न सक्नेछन् । प्रतियोगीलाई विश्वका जुनसुकै कुनाबाट पनि भोट गर्न सकिनेछ । दर्शककै भोटको आधारमा प्रतियोगीको भाग्य–परीक्षा हुनेछ ।
 
भ्वाइस अफ नेपालको दोस्रो संस्करणमा प्रतिस्पर्धा गर्न नेपाल, अमेरिकादेखि दार्जिलिङसम्मका प्रतियोगी सामेल भएका छन् । उनीहरुमध्ये कतिले भ्वाइस अफ नेपालको आफ्नो यात्रा टुंग्याइसकेका छन् भने चार जनाको अन्तिम भिडन्त हुँदैछ । 
 
भ्वाइस अफ नेपाल सर्वाधिक चर्चित सांगीतिक रियलिटी शो हो । हिमालयन टेलिभिजनबाट प्रसारण हुँदै आएको प्रतियोगिताको अहिले दोस्रो संस्करण चल्दै छ । साउनको पहिलो साताबाट सुरु भएको भ्वाइस अफ नेपाल सिजन २ हरेक शुक्रबार र शनिबार साँझ ८ बजे प्रशारण हुँदै आएको छ ।
 
दोस्रो संस्करणका लागि देश–विदेशबाट करिब २३ हजार प्रतियोगीले डिजिटल अडिसनमा सहभागिता जनाएका थिए । जसमध्ये एक सयभन्दा बढी प्रतियोगीले ब्लाइन्ड अडिसनका लागि मौका पाएका थिए ।
 
सडकमा मम बेच्नेदेखि हातमुख जोड्नकै लागि विदेशिदै गरेको रामको कहानी सुनाउँदै आमा पुष्पा शेर्पा पहिलोपटक मिडियामा बोलेकी छन् । आफ्नो छोरा राम लिम्बुलाई भोट दिएर ‘द भ्वाइस नेपाल’को विजेता बनाउन उनले देशविदेशमा रहेका सबै शुभेच्छुक दाजुभाइ दिदीबहिनीहरुमा अनुरोध गरेकी छन् ।
 
राम लिम्बु प्रमोद खरेलको टिममा छन् । गायक खरेलको टिममा परेकाले उनीमाथि संगीतप्रेमीहरुको साथ र समर्थन अनि भोटको अपेक्षा रामकी आमाले गरेकी छन् ।
 
राम लिम्बुलाई जिताउन एसएमएस वा प्रभु–पे मोबाइल एप डाउनलोड गरी ०८ टाइप गरी नेपालबाट ३७०००, कतारबाट ९२३०० र भारतबाट ५३०१० मा भोटिङ गर्न सकिनेछ ।