हिमालयखवर संवाददाता
अमेरिका- क्यालिफोर्नियाको सन्वर्नाडिनोमा अध्ययनरत एक भारतिय विद्यार्थीको विहिवार थ्यांकगिभिगं डेका दिन गोली हानी हत्या गरिएको छ । स्थानिय क्यालिर्फोनिया स्टेट युनिर्भिसिटीमा पढाई गरिरहेका भारतीय विद्यार्थी अभिषेक सुदेश भट्टको गोली हानी हत्या गरिएको प्रहरीले जनाएको छ ।
मृतक भट्ट स्थानिय मोटेलमा काम गरिरहेको वेला एक जना बन्दुकधारीले उनको हत्या गरेको हो । स्थानिय प्रहरीले गोली चलाउने संभावित अभियुक्त ४२ बर्षिय एरिक डेभनलाई पक्राउ गरेको छ ।
के कारणले ती अभियुक्तले गोली चलाए प्रहरीले यसवारेमा अध्ययन गरिरहेको छ । प्रहरीलाई विहिवार राती १०० बल्क साउथ इष्ट स्ट्रिटवाट १२ बजेर ३५ मिनेटमा आपतकालिन कल आएको थियो । प्रहरी त्यहा पुग्दा २५ बर्षिय अभिषेक मोटलको रिसेप्सनमा गोली लागेर लडिरहेका थिए । त्यही उनलाई मृत घोषणा गरिएको थियो ।
कम्प्यूटर साइन्समा मास्टर डिग्री गरिरहेका अभिषेक खाली समयमा मोटलमा काम गर्दै आएका थिए । जहां उनको मृत्यु भयो । भारतको मैसूरुका मृतक अभिषेकको अन्तिम संस्कार क्यालिफोर्नियामै हुने भएको छ ।तस्बिर: सामाजिक संजाल
प्रतिक्रिया