प्रवास

फ्रिस्को टेक्ससमा कार दुर्घटनामा परेर एक नेपालीको मृत्यु

895 पटक पढिएको

22nd Nov 2019, Friday | २०७६ मंसिर ६, शुक्रबार २०:२२
हिमालयखवर संवाददाता-
अमेरिका I टेक्सस ड्यालस फोर्टवर्थ महानगर क्षेत्रभित्र पर्ने फ्रिस्को सिटीमा कार दुर्घटनामा परी एक जना नेपालीको मृत्यु भएको छ ।
 
स्थानिय ड्यालसन्यूजका अनुसार मृत्यु हुनेमा ३० बर्षिय रवि श्रेष्ठ रहेको प्रहरीले जनाएको छ । मृतक श्रेष्ठका वारेमा प्रहरीले थप जानकारी र अनुसन्धान गरिरहेको छ ।
 
फ्रिस्को प्रहरीका अनुसार मृतक श्रेष्ठको कार प्रिस्टन रोडको उत्तर र इल्डोराडो पार्कवे स्थित खोलामा खसेर उत्तानो परेको थियो । यो दुर्घटना अधिल्लो शुक्रवार राती भएको थियो । तर, मृतकका आफन्त नभेटिएकाले प्रहरीले विवरण सर्वजनिक गरेको थिएन । 
 
उक्त शुक्रवार करिव ११ बजे राती प्रहरीको आपतकालिन नम्बरमा दुर्घटनाको जानकारी आए लगत्तै प्रहरी उद्दारका लागि पुगेको थियो । त्यसवेला खोलामा कार उत्तानो परेको अवस्थामा भेटिएको थियो । भित्र मानिस देखेपछि प्रहरीले वाहिर निकालेर अस्पताल पुर्याएको थियो । अस्पतालले श्रेष्ठको मृत्यु भईसकेको घोषणा गरेको थियो । त्यस पछि मृतकको पहिचान खुलेको थियो । 
 
 
उक्त कारमा एक जना मात्र थिए । प्रहरीले यो दुर्घटनाका वारेमा केही जानकारी भए उपलव्ध गराउन अनुरोध गरेको छ ।
 
चितवन नारायणगढ घर भएका मृतक श्रेष्ठ २००८ जनवरीमा  विधार्थी भिसामा अमेरिका आएका थिए I  उनले बाल्टिमोरको मोर्गेन स्टेट युनिभर्सिटीबाट ब्याचलर ईन फाइनान्समा २०१३ डिसेम्बमा ग्रयाजुएट गरेका थिए I पूर्ण छात्राबृतीमा अमेरिका आएका उनि अनर्स ग्रयाजुएट थिए I उनि आईटी कम्पनिमा कार्यरत थिए I