प्रवास

कांग्रेस नेता सिंहको उपस्थितीमा शुक्रबार अन्तरकृया हुँदै

243 पटक पढिएको

- हिमालयखबर संबाददादा | 14th Nov 2019, Thursday | २०७६ कार्तिक २८, बिहीवार ०९:४९
ड्यालस (अमेरिका) – नेपाली जनसम्पर्क समितिले शुक्रबार साँझ ड्यालसमा पूर्ब उपप्रधानमन्त्री तथा पूर्ब महामन्त्री प्रकाशमान सिंहको उपस्थितीमा विशेष अन्तरकृया आयोजना गर्ने भएको छ । 
 
युलेसको फिस्टेल रेस्टुँरामा साँझ साढे ५ बजेदेखि कार्यक्रम सुरु हुने जनसम्पर्क समिति ड्यालस फोर्टवर्थका सभापति ज्ञानेन्द्र कार्कीले जानकारी दिनुभयो । हाल अमेरिका भ्रमणमा रहनुभएका सिंह जनआन्दोलन (२०४६) का सर्वोच्च नेता गणेशमान सिंहका पुत्र हुनुहुन्छ ।
 
अन्तरकृयाको क्रममा जनसम्पर्क समितिको आगामी अधिवेशन, संगठनका विषयमा समेत छलफल हुने बताइएको छ । सोही क्रममा स्व. गणेशमानको जीवनीमा आधारित चलचित्र बीर गणेशमानको पनि प्रदर्शनी गरिने छ । जनसम्पर्क समिति ड्यालस फोर्टवर्थ र वेस्ट टेक्ससको संयुक्त आयोजनमा हुने यो कार्यक्रममा सहभागिताको लागि समितिले सबै नेपाली समुदायसँग अपिल गरेको छ ।