प्रवास

भारतीय अतिक्रमणको विरोधमा एक्यवद्धता कार्यक्रम आयोजना हुँदै

447 पटक पढिएको

हिमालयखबर संवाददाता | 13th Nov 2019, Wednesday | २०७६ कार्तिक २७, बुधवार १०:४४
ड्यालस (अमेरिका) – नेपालको भूमि भारतबाट अतिक्रमण भएको विरोधमा प्रवासमा रहेका नेपालीहरु समेत जुर्मुराउन थालेका छन् । यसै क्रममा ड्यालसमा सकृय संस्था इन्द्रेणी सांस्कृतिक संघले अतिक्रमित नेपाली भूमि रक्षार्थ र भारतले आफ्नो नक्सा तत्काल सच्याउनुपर्ने माग राख्दै छलफल कार्यक्रम आयोजना गर्ने तयारी गरेको छ ।
 
संघका अध्यक्ष सुशील क्षेत्रीका अनुसार आउँदो आइतबार टेक्ससको ड्यालस फो्र्टवर्थ मेट्रोप्लेक्समा पर्ने वातागा सिटीमा नेपाली संघसंस्थाहरु समेतको सहभागितामा विशेष कार्यक्रम गर्न लागिएको हो । 
 
‘हामी सबै मातृभूमिभक्तहरुले यतिखेर फेरि एकपटक मातृभूमिको रक्षार्थ एकजुट भएर प्रवासबाट समेत नेपाल सरकार र भारत सरकारलाई दवाव दिनुपर्ने अवस्था आएको छ,’ क्षेत्रीले भन्नुभयो । ड्यालसमा झण्डै दुईदर्जननको हाराहारीमा नेपाली संघसंस्थाहरु रहेका छन् । ‘सबै संस्थाहरुलाई सहभागिता र एक्यवद्धताका लागि हामीले आग्रह गरेका छौं, यो अवस्थामा हामी सबैले एकजुट भएर मातृभूमिको हितका लागि सकृयता देखाउनु जरुरी छ,’ उहाँले भन्नुभयो ।
आइतबार दिउँसो वातागाको हट एण्ड स्पाइसी रेस्टुरामा आयोजना हुने कार्यक्रममा सबैको सहभागिताका लागि अपिल गरिएको छ ।