प्रवास

नोभेम्बर १६ मा ड्यालसमा 'वाक फर नेपाल' हुँदै

192 पटक पढिएको

- हिमालयखबर संबाददाता | 3rd Nov 2019, Sunday | २०७६ कार्तिक १७, आईतवार २१:३०
 
ड्यालस (टेक्सस) – मातृभूमिका लागि पवित्र योजना बनाएर अमेरिकामा हरेक वर्ष कार्यक्रम गर्दै आएको ‘वाक फर नेपाल’ ले यसवर्ष पनि कार्यक्रम गर्ने भएको छ ।
 
दुई सातापछि आउँदो नोभेम्बर १६ तारिक शनिबार ‘वाक फर नेपाल’ ले ड्यालसको बेचमान लेकमा कार्यक्रम गर्ने भएको छ । सन् २०१२ मा अभियानका रुपमा रहेको वाक फर नेपाल अहिले संस्थागत रुपमा चिनिएको छ । 
 
हरेक वर्ष मातृभूमि नेपालको सामाजीक, स्वास्थ, शिक्षाका लागि अमेरिकामा वाक गरेर सहयोगराशी जुटाउँदै आएको यो संस्थाले नेपालको टेक फर नेपाल र टेक्ससको टेक्सस नेप्लिज मेडिकल एसोसिएसनलाई सहयोग गर्ने भएको छ । बेचम्यान लेकमा दिउँसो १२ बजे सुरु भएर अपरान्ह ६ बजे समापन हुने कार्यक्रममा सहभागिताका लागि आयोजकहरुले अनुरोध गरेका छन् । 
 
आइतबार अर्भिङको नेपाली मन्दिरमा आयोजित पत्रकार सम्मेलनमा कार्यक्रमका संयोजक दीपकराज सिलवाल, सुमन काजी लगायतले कार्यक्रमको तयारी र महत्वका बारेमा प्रकाश पार्नुभएको थियो । 
 
ड्यालसको लभफिल्ड एअरपोर्ट सँगै रहेको सुन्दर बेचम्यान लेकमा जम्मा भएर मनोरञ्जनका लिनुका साथै सामाजीक कार्यमा सहयोग गर्न आयोजकहरूले अनुरोध गरेका छन् ।