ड्यालस (अमेरिका) – अमेरिकाको ड्यालसमा बस्दै आएका गायक भीम चापागाईको स्वर रहेको नयाँ गीत सार्वजनिक भएको छ ।
‘चट्ट बसम् देउरालीमा’ बोलको गीतको म्युजिक भिडियोमा महानायक राजेश हमाल र सदावहार नायीका करिस्मा मानन्धरको उत्कृष्ठ अभिनय रहेको छ । हमाल र मानन्धर लामो समयपछि एकसाथ म्युजिक भिडियोमा एकसाथ देखापरेका हुन् ।
गीतमा चापागाईलाई गायीका मेलिना राईले साथ दिएकी छिन् । गायक चापागाईले ड्यालसकै स्टुडियोमा गीत रेकर्डिङ गरेका हुन् । युटुबमा रिलिज गरिएको यो गीत एकसातामै १५ लाख पटक हेरिसकिएको छ ।
दीपक शर्माका शव्दमा गीतमा उनकै संगीत रहेको छ । देवेन्द्र पाण्डेको कोरियोग्राफी र निर्देशन रहेको भिडियोको छायांकन उत्सब दाहालले गरेका हुन् भने सम्पादन अच्युत बजागाइले गरेका हुन् ।
ड्यालसका स्थानीय गायक चापागाइ निकै मिठो स्वर भएका गायक हुन् । उनी स्थानीय कार्यक्रमहरूमा कला प्रस्तुत गरेर नेपाली समुदायलाइ मनोरञ्जन प्रदान गर्दै अएका छन् ।
प्रतिक्रिया