हिमालयखवर संवाददाता

अमेरिका- करिव चार बर्ष अघि महाभुकम्पका कारण नेपाल अन्तराष्ट्रिय मिडियामा समाचार बनेको थियो । त्यस वेला धेरैले नेपालका वारेमा थाहा पाए । दुई दिन यता पनि नेपाल अन्तराष्ट्रिय मिडियामा छाएको छ ।

 

यसको कारण वनेका छन् राजीनामा दिएका सभामुख कृष्णबहादुर महरा ।

 

अमेरकाको प्रमुख मिडियाहरु द न्यूर्योक टाइम्स, द वासिंटन पोष्ट,  द बोस्टन ग्लोब्स, फक्स न्यूज, सीएनएन लगायतमा महराले महिलालाई उनकै कोठामा रेप गरेको आरोपका कारण राजिनामा दिएको उल्लेख छ ।

 

चर्चित अन्तराष्ट्रिय न्यूज एजेन्सी रोयटर्सले दिएको समाचारलाई धेरै मिडियाले आधार बनाएर स्थान दिएका छन् ।

 

खाडी मुलुकको अलजजिरा लगायत विश्वका अन्य समाचार संस्थाले पनि पुर्व सभामुख महरा सम्वन्धि समाचारलाई प्रथामिकता दिएका छन् ।

 

सभामुख महराले आफ्नै कार्यालयमा कार्यरत महिला कर्मचारीको घरमा एक्लै गई रक्सी खाएर रेप गरेको आरोप लागेको छ । सभामुख महराले बलत्कार गरेर गएपछि प्रहरीलाई खवर गर्ने देखि नेपालवाट संचालित अनलाइन हाम्राकुरा डटकमसंग आफु माथि भएको घटनाको विवरण दिएकी थिईन ।

 

मिडियामा यो समाचार आएपछी आरोप लगाउने ती महिलाले भने भनाई फेरीकी छन् । तर, महराको सभामुख पद भने गएको छ । उनलाई सांसदवाट राजीनामा दिन पनि तिब्र दवाव परेको छ ।

 

यो घटना सार्वजनिक भए लगत्तै नेपाली मिडियाले महराको विवादस्पद पुरानो छबी समेत उल्लेख गरी समाचार दिएका छन् । उनी यस अघि चिनियां व्यापारीसंगको टेपकाण्ड, लडाकु व्यवस्थापनमा दिएको रकमको हिनामिना लगायतका काण्डमा फसेका थिए ।

 

आरोप लगाउने महिला महराले नै पढाएकी विद्यार्थी हुन् । महरा र उनी विच ३ दशक लामो चिनजान रहेको थियो ।