प्रवास

नोभेम्बरमा टिएनएमएले गाला नाइट आयोजनना गर्दै

142 पटक पढिएको

- हिमालयखबर संबाददादा | 9th Sep 2019, Monday | २०७६ भाद्र २३, सोमबार १५:४७
ड्यालस (अमेरिका)– अमेरिकामा रहेका नेपालीमुलका चिकित्सक तथा स्वास्थकर्मीहरुको संस्था ‘टेक्सस नेप्लिज मेडिकल एसोसिएसन (टिएनएमए)’ ले स्वास्थ शिवीर तथा अन्य सेवामुलक कार्यक्रमलाई अझै प्रभावकारी र विस्तार गर्न आउँदो नोभेम्बर १६ मा ‘गाला नाइट’ कार्यक्रम गर्ने भएको छ ।
 
टिएनएमएले नेपाली समाज टेक्ससको सहयोगमा हरेक दुई महिनाको अन्तरमा ड्यालसमा स्वास्थ शिवीर आयोजना गर्दै आएको छ । शिवीरमा स्वास्थ बीमा सुविधा नभएका, नेपालबाट आएका अभिभावकहरु, तत्काल स्वास्थ संस्थाहरुमा जान नसक्ने अवस्थामा रहेका धेरै नेपालीहरुले सुविधा पाउँदै आएका छन् ।
 
यो शिवीरलाई अझै व्यबस्थित, आवश्यक उपकरणयुक्त र दीगो बनाउन नोभेम्बर १६ तारिक साँझ गाला डिनर आयोजना गर्न लागिएको टिएनएमएले जनाएको छ । गाला डिनरमा सहभागीहरुलाई एकजनाको ६० डलर र जोडीले एकसय डलर सहयोग शुल्क राखिएको छ । 
 
ग्रेपभाइनको एम्बेसी स्विट हिल्टन साँझ ६ देखि राति १२ बजेसम्म कार्यक्रम हुनेछ । सांस्कृतिक कार्यक्रम सहित हुने गाला नाइटमा सहभागी भएर स्वास्थ सेवाको कार्यक्रम अझै प्रभावकारी बनाउन टिएनएमएले नेपाली समुदायसँग अपिल गरेको छ ।
 
टेक्ससमा ठूलो संख्यामा नेपालीमुलका डाक्टर, नर्सहरु छन् । नेपाली समुदायमा स्वास्थ शिक्षा, शिवीरलाई अझै प्रभावकारी र व्यबस्थित गराउन टिएनएमए गठन भएको हो ।