जहाजका क्रिउ मेम्बरसँग अभद्र व्यवहार गरेपछि प्रहरीको सहयोगमा जहाजबाट निकालेर घर फिर्ता गराइएको बताइएको छ । आफूहरु बिजनेस मिटिङमा रहेकोले मदिरापान सेवन गरेको न्यौपानेले स्वीकार गरेका छन् । 

 

अध्यक्ष भट्ट र न्यौपानेको शनिबार राति ९ः ५० बजेको उडानबाट सिंगापुरमा बिजनेस मिटिङ गर्ने र उपचाररत प्रधानमन्त्री केपी शर्मा ओलीलाई भेट गरी स्वास्थ्यलाभको कामना गर्ने योजना रहेको बताइएको छ । जहाजको सिटमा बसिसकेपछि क्याप्टेनले आफूहरूलाई बाहिर निकालेको न्यौपानेले बताएका छन् । आफूहरुमाथि व्यक्तिगत पूर्वाग्रह राखेर दुव्र्यवहार गरिएको उनको दाबी छ ।

 

न्यौपानेले फेसबुकमा ‘अडियो लाइभ’ गरेपछि यो घटना बाहिरिएको हो । उनीहरुलाई क्याप्टेनले ‘आई क्यान नट फ्लाइ विथ यू’ भनेर पूर्वाग्रही व्यवहार देखाएको उनले बताएका छन् । यस घटनाले आफू लज्जित हुनुपरेको र अध्यक्षलाई ब्रेथलाइजर मेसिन लगाएर दुव्र्यवहार गरिएकाले सिल्क एयरले यस घटनामा माफी माग्नुपर्ने उनको जिकिर छ ।

 

यस सम्बन्धमा अध्यक्ष भट्टले भने औपचारिक प्रतिक्रिया सार्वजनिक गरेका छैनन् । 

 

आफूहरुमाथि आधारहीनरुपमा चरित्रहत्या गरिएको न्यौपानेको जिकिर छ । सिल्क एअरले पनि अहिलेसम्म कुनै प्रतिक्रिया दिएको छैन ।