मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपाल   

अनलाइन विज्ञापनमार्फत ठगी गर्ने तीन पक्राउ

अनलाइन विज्ञापनमार्फत ठगी गर्ने तीन पक्राउ


काठमाडौँ । सस्तो मूल्यमा सामान पठाइदिन्छु भन्दै अनलाइनमार्फत विज्ञापन गरी रकम ठगी गर्ने कार्यमा संलग्न रहेको अभियोगमा तीन जनालाई महानगरीय अपराध महाशाखा टेकुले पक्राउ गरेको छ । 
 
उनीहरूलाई आज बिहान काठमाडौँ महानगरपालिका–१६ बाट पक्राउ गरिएको प्रहरीले जनाएको छ । 
 
पक्राउ पर्नेमा वडा नं १६ नयाँबजार बस्ने भारत उत्तर प्रदेश घर भएका ३० वर्षीय आकिव जावेद, काठमाडौँ क्षेत्रपाटी बस्ने महोत्तरी सोनमा गाउँपालिका–७ का २० वर्षीय एमडी सगिर शेख र नयाँबजार बस्ने महोत्तरी गौशाला नगरपालिका–५ का २२ वर्षीय यमदादुल मोमिन छन् । 
 
मोबाइल ह्वाट्स एप, इमो, भाइबर, फेसबुकलगायतका सामाजिक सञ्जालमा फेसबुक पेज बनाई विदेशबाट ब्राण्डेड ल्यापटप, मोबाइल, क्यामेरा, घडी, शृङ्गारलगायतका सामान सस्तो मूल्यमा पठाइदिने विज्ञापन गरी ठगी गरेका उनीहरूले एक महिनाको समयमा रु ८० लाखभन्दा बढी रकम ठगी गरेको प्रारम्भिक अनुसन्धानका क्रममा खुल्न आएको महाशाखाले जनाएको छ ।