प्रदेश

बालिका बलात्कार गरी अभियुक्त फरार

140 पटक पढिएको

28th Jun 2019, Friday | २०७६ आषाढ १३, शुक्रबार ०७:१७
वीरगञ्ज । वीरगञ्ज महानगरपालिका–२७ उदेयपुर घुर्मी बस्ने राकेश यादवले ११ वर्षीया बालिकालाई बिहीबार राति बलात्कार गरी फरार भएको जिल्ला प्रहरी कार्यालय पर्साले जनाएको छ । 
 
जन्ती हेर्न आएकी ती बालिकालाई सुरुमा राकेशले जिस्काएको र पछि जबर्जस्ती करणी गरेको उजुरी परेपछि सो घटना सार्वजनिक भएको हो । 
 
पीडित पक्षको बयान र उजुरीका आधारमा पर्साका प्रहरी नायब उपरीक्षक अन्नतराम शर्माले सो घटना सम्बन्धमा थप अनुसन्धान भइरहेको र फरार अभियुक्तको खोजी जारी रहेको बताए । 
 
सुरुमा सो घटना गाउँमै मिलाउन खोजिए पनि घटना सार्वजनिक भएपछि दुवै पक्षलाई मिलापत्र गराउने पञ्च भनाउँदाको योजना तुहिन गएको हो ।