साँखु । बौद्धस्थित समता अस्पतालमा आज एक युवतीको शव झुण्डिएको अवस्थामा फेला परेको छ ।
रामेछाप जिल्ला दोरम्बा घर भएकी सोही अस्पतालमा क्लिनरको काम गर्ने २७ वर्षीया विमला तामाङ अस्पतालमै झुण्डिएको अवस्थामा मृत फेला परेकी हुन् ।
मृत फेला परेपछि आफन्तले अस्पताल परिसरमा तोडफोड गरेका छन् । तोडफोडपछि आक्रोशमा आएको भीडलाई नियन्त्रण गर्न प्रहरी परिचालन गरिएको छ ।
महानगरीय प्रहरी वृत्त बौद्धका प्रहरी नायब उपरीक्षक नरेन्द्र चन्दका अनुसार उनी दुई महिनादेखि यही अस्पतालमा काम गर्दै आएकी हुन् । शव परीक्षणपछि सत्यतथ्य रिपोर्ट आउने उनले बताए ।
अस्पतालका प्रशासनका कुमार बास्तोलाले भने भीडले आफूहरुलाई अस्पताल परिसरभित्र जान नदिएको हुँदा आफ्नै कर्मचारी झुण्डिएको हो वा अरु नै भन्ने कुरा यकिन नभएको बताए ।
अहिले बौद्ध प्रहरीले भीडलाई नियन्त्रण लिने काम भइरहेको हुँदा प्रहरीको अनुसन्धान पछि नै सत्यतथ्य जानकारी हुने महानगरीय प्रहरीले जनाएको छ ।
प्रतिक्रिया