प्रवास

टेक्ससमा २१ बर्ष भन्दा तलकालाई चुरोट विक्री गर्न नपाइने

728 पटक पढिएको

सेप्टेवरवाट यो कानुन लागुहुने

9th Jun 2019, Sunday | २०७६ जेष्ठ २६, आईतवार ०८:५१
हिमालयखवर संवाददाता-
अमेरिका । टेक्ससका गभर्नर ग्रेग ओवाटले राज्यमा टोबाको उत्पादन किन्न पाउने उमेर २१ बर्ष बनाउने कानुनमा हस्ताक्षर गरेका छन् । यो कानुन अनुसार  चुरोट लगायत सुर्तीजन्य पदार्थ २१ बर्ष भन्दा तलका लाई विक्री गर्न पाइने छैन ।
 
यो कानुन आउने सेप्टेबर १ वाट लागु हुने छ । यसमा चुरोट, सुर्टी लगायत इ सिरेटपनि पर्छन ।
 
गभर्नर ओबाटले सिनेट विल २१ मा हस्ताक्षर गरेकाले यो कानुन भएको हो । अहिलेसम्म १८ बर्ष पुगेकालाई चुरोट विक्री गर्न पाइन्छ ।
 
सुर्तीजन्य पदार्थ विक्री गर्न पाइने उमेर वढाउंदा यसले लत लाग्ने क्रम कम हुने यो कानुनका पक्ष्ँधरहरुको दावी छ ।
 
सेप्टेम्बर एक पछि कसैले २१ वर्ष भन्दा तलका लाई सुर्तीजन्य पदार्थ वा ई सिगरेट विक्री गरेमा ५०० सय डलर जरिवाना तिर्नु पर्ने छ ।
 
यसले राज्यमा सुर्तीजन्य पदार्थको विक्री घट्ने अनुमान गरिएको छ ।
 
टेक्सस नेपालीहरुको कयौं व्यवसाय रहेको राज्य हो । नेपालीहरुले संलग्न ग्यांस स्टेसन लगायत स्मोक सपमा चुरोट विक्री गरिन्छ । यो नियमले ग्यांस स्टेसनको व्यवसायमा पनि प्रभाव पार्ने छ ।