अमेरिका– गैर आवासीय नेपाली संघ (एनआरएन) अमेरिकाको नवनिर्वाचित अध्यक्ष सुनिल साह लगायत टीमलाइ नेपाल अमेरिका पत्रकार संघ(नेजा) ले बधाइ ज्ञापन गरेको छ ।
नेजाले सोमबार विज्ञप्ती जारी गर्दै अध्यक्ष साहको कार्यकालमा दुइ संस्थाबीच संबन्ध अझ प्रगाढ र मजवुत हुने अपेक्षा राखेको छ । नेजा महासचिव किरण मरहट्ठाद्वारा जारी विज्ञप्तीमा भनिएको छ–‘सामुदायिक पत्रकारिता मार्फत अमेरिकी नेपाली समुदायलाई सु-सुचित गर्दै आईरहेको नेजा प्रजातान्त्रिक तवरले सम्पन्न यो निर्वाचनप्रति खुशी व्यक्त गर्दै एनआरएनए अमेरिकासँगको हाम्रो सम्बन्ध नव-निर्वाचित कार्यसमितिसंग अझै प्रगाढ र सुगन्धित हुने अपेक्षा गर्दछ ।‘
शनिबार र आइतबार सम्पन्न एनआरएन अमेरिकाको निर्वाचनले अध्यक्षमा सुनिल साहलाइ निर्वाचित गरेको छ ।
विज्ञप्तीमा सवल एनआरएनए अमेरिका बनाउन नेजाले आफ्नो तर्फबाट गरेको ‘नेजा – एनआरएनए अमेरिका बहस’ जस्ता कार्यक्रमले आगामी दिनमा प्रवासी अमेरिकी समाजमा नेजा र नव-निर्वाचित अध्यक्ष साहको कार्यसमितिसँग सहकार्य गर्न सदैव तत्पर रहेको पनि उल्लेख छ ।
नेजाले एनआरएनए अमेरिकाको नव निर्वाचित कार्यसमिति समुदाय, संस्कृति र जन्मभूमिको समुन्नत हितका लागी अग्रसर होस् भन्ने कामना गर्दै नव-निर्वाचित अध्यक्ष साह लगायत उहाँको कार्यसमितिलाई दुई बर्षे कार्यकालको सुवर्ण सफलताको कामना गरेको छ ।
प्रतिक्रिया