हिमालयखबर संबाददादा 

अमेरिका – गैर आवासीय नेपाली संघ (एनआरएनए) अमेरिकाको निर्वाचन प्रकृया सुरु हुनु अघि सदस्यहरुको छानवीन गर्न पुनः समिति गठन भएको छ ।

 

एनआरएन अन्तराष्ट्रीय समितिका महासचिव बद्री केसीको  आयोजनामा क्षेत्रीय संयोजक गौरीराज जोशी, अध्यक्षमा तीनै जना उम्मेदवारहरू सहितको बैठकले सदस्यताको सम्बन्धमा पुनः भेरिफिकेसन गरेपछिमात्र चुनाव अघि बढाउने निर्णय भएको छ । 

 

‘पहिलेनै सुपरिवेक्षण समितिले तयार पारेर दिएको सदस्यहरूको प्रतिवेदनलाइ आधार मानेर अघि बढ्नेगरि ५ सदस्यीय पुनः भेरिफिकेसन समिति गठन गर्ने निर्णय भयो । यो समितिले तयार पारेको सदस्य नामावलीलाइ अन्तिम मानेर चुनाव हुन्छ,‘ क्षेत्रीय संयोजक जोशीले भने । टुंगो नलागेसम्म चुनाव हुँदैन । तर २४ घण्टाभित्र टुंगो लगाउन निर्देशन दिइएको छ । 

 

यो समितिमा अध्यक्षका उम्मेदवारहरूको तर्फबाट एकएक जना, एनआरएन अमेरिकाका अध्यक्षका तर्फबाट एकजना र क्षेत्रीय संयोजकका तर्फबाट एकएकजना सदस्य हुनेछन् । 

 

समितिमा रहने दुइजनाको नाम टुंगो लागिसकेको छ । टेक्ससका विजयराज भट्टराइ र बिनय अर्यालको नाम टुंगो लागिसकेको छ । भट्टराइको नाम अध्यक्ष पदका उम्मेदवार सञ्जय थापाको तर्फबाट राखिएको हो । 

 

समितिले नाम टुंगो नलगाएसम्म चुनाव हुनेछैन । समितिलाइ २४ घण्टाको समय दिइएको छ । एनआरएनको चुनाव शनिबार र आइतबार अनलाइन मार्फत हुनेछ ।