हिमालयखवर संवाददाता
अमेरिका- गैर आवासिय नेपाली संघ अन्तराष्ट्रिय समवन्य परिषद अमेरिका (एनआरएनए अमेरिका) विरुद्ध अदालतमा भएको पुरानो मुद्दा फेरी बल्झाउंदै चालु निर्वाचन प्रकृया रोक्न अदालत समक्ष माग गरिएको छ ।
गत निर्वाचनमा अध्यक्षपदमा पराजित रविना थापा लगायतले गत बर्ष दायर मुद्दा अनुसार अहिले भईरहेको निर्वाचन प्रकृया रोक्न आग्रह गरिएको हो ।
हाम्रो पुरानै मुद्दा हो अदालतमा कुनै नयां मुद्दा दायर गरेका छैनौं रविना थापाले भनिन् तर, यसवारेमा सवैकुरा मलाई राम्रोसंग पनि थाहा भएन ।
गत बर्ष भएको एनआरएनए अमेरिकाको साधारण सभा रोक्न थापा समुहले अदालतमा मुद्दा दायर गरेको थियो । तर, अदालतले माग दावी अनुसार अन्तरिम आदेश दिएन ।
साधारण सभा रोकिन्छ भन्ने हल्ला फैलिएपनि उक्त साधारण सभा नियमित रुपमा संचालन भएको थियो । उक्त साधारण सभाले नै एनआरएनए अमेरिकाको निर्वाचन समिति गठन गरेको थियो । अहिले थापा पक्षले उक्त निर्वाचन समिति भंगगर्न समेत माग गरेको छ ।
एनआरएनए अमेरिकाका कार्यसमितिका सदश्यहरुले भने यो मुद्दा प्रति खासै चासो देखाएका छैनन् । यस्ता आईरहन्छन् जान्छन् भन्ने प्रतिकृया सदश्यहरुले दिए । कार्यसमितिका सदश्यलाई अदालतको मुद्दाका वारेमा जानकारी भने गराईएको छ ।
निर्वाचन प्रकृया चलिरहेको वेला रोक्ने माग गरिएको हो । अहिले एनआरएनए अमेरिकामा उम्मेदवारहरु प्रचार प्रसारमा व्यस्त छन् ।
पुर्व उपाध्यक्ष तथा अध्यक्षमा पराजित थापा भने यो चुनावी माहौलमा निष्कृय देखिएकी छिन् । हाम्रो माग नै पहिले त्रुटी सच्चिनुपर्छ भन्ने हो यो सच्चिएको छैन त्यसैले चुनावको कुनै अर्थ छैन उनले भनिन् ।
एक पटक थापा समुहले मुद्दा फिर्ता लिने सहमति पनि गरेको थियो । तर, यो सहमति पुन तोडिन पुग्यो ।
प्रतिक्रिया