एनआरएन विशेष

एनआरएनए अमेरिका अध्यक्ष पदका लागि अहिलेसम्म दुई जनाको उम्मेदवारी,

390 पटक पढिएको

उम्मेदवारी दर्ता गर्ने शुक्रवार अन्तिम दिन

हिमालयखबर | 18th Apr 2019, Thursday | २०७६ बैशाख ५, बिहीवार १६:००
हिमालयखवर संवाददाता-
अमेरिका । गैर आवासिय नेपाली संघ राष्ट्रिय समवन्य परिषद अमेरिका (एनआरएनए अमेरिका) को आगामी कार्यकालका लागि हुन लागेको निर्वाचनमा दुई जना अध्यक्षका प्रत्यासीले उम्मेदवारी दर्ता गरेका छन् ।
 
टेक्ससका सुनिल शाह र न्यूर्योकका सुर्य (साल) लम्सालले अध्यक्षमा उम्मेदवारी दर्ता गराएका हुन् । अन्य विभिन्न पदमा पनि उम्मेदवारी दर्ता भईरहेको छ । उम्मेदवारी प्रस्तुत गर्ने शुक्रवार अन्तिम दिन हो ।
 
एनआरएनए अमेरिकाको अनलाइनमा विगतमा पटक पटक समस्या देखिएकाले अहिलेपनि अन्तिम समयमा उम्मेदवारी दर्ता गर्न नमिल्ने हो कि भन्ने त्रास पनि केहीमा फैलिएको छ ।
 
अध्यक्षमा उम्मेदवारी दिएका सुनिल वर्तमान कार्यसमितिका वरिष्ष्ठ उपाध्यक्ष हुन् । लम्साल यस अघि एनआरएनए अमेरिकाको वार्डमा थिए । वर्तमान कार्यसमितिमा महासचिवका लागि उम्मेदवारी दिएपनि लम्साल पराजित भएका थिए । पेशाले दवै जना इन्जिनियर हुन् ।
 
अध्यक्ष पदका दुवै प्रत्यासीले सहयोगका लागि मतदातालाई अनुरोध गरेका छन् ।
 
अर्का अध्यक्ष पदका आकांक्षी संजय थापाले भने यो समाचार तयार गर्दासम्म उम्मेदवारी दर्ता गरेको औपचारिक जानकारी आएको छैन । थापा समिकरण वनाउन लागि परेको वताईएको छ ।
 
वरिष्ठ उपाध्यक्षमा को को उम्मेदवार हुन्छन् भन्ने अहिलेसम्म स्पष्ट भईसकेको छैन । वरिष्ठ उपाध्यक्ष पदमा कसलाई राख्ने यो मिल्न नसक्दा अध्यक्ष पदका उम्मेदवारको समिकरण स्पष्ट हुन सकेको छैन । अमृत सापकोटा, वीआर लामा, डा अजुर्न बन्जाडे लगायतले वरिष्ठ उपाध्यक्षमा उम्मेदवारी दिने चर्चा छ । तर, यो समाचार तयार गर्दासम्म उनीहरुको उम्मेदवारी परेको जानकारीमा आएको छैन ।
 
अध्यक्ष पदका प्रत्यासीलाई प्यानल बनाउने भने सकस भएको छ । यसले गर्दा प्यानल वनाउन प्रयास गर्नेहरु नै धरापमा परेका छन् ।
 
एनआरएनए अमेरिकामा करिव ९ हजार मतदाता छन् । यस पटक एनआरएनए अमेरिकाका अध्यक्ष लगायत पदाधिकारी, आईसीसी सदश्य, २० च्याप्टर कार्यसमितिका लागि निर्वाचन हुन लागेको हो । मतदान अर्को महिनाको तेस्रो साता तोकिएको छ ।