हिमालय खबर संबाददाता-

अमेरिका ।  गैर आवासीय नेपाली संघ (एनआरएनए) अमेरिकाले नेपालको बारा, पर्सामा गएको विनाशकारी आँधी पीडितहरूको सहयोगार्थ गोफण्ड खाता खोलेर सहयोग संकलन सुरू गरेको छ । 

 

एनआरएनएले सोमबारदेखि सहयोग संकलन सुरू गरेको हो । ५० हजार डलर संकलन गर्ने उद्वेश्य साथ सुरू गरिएको गोफण्डमा यो समाचार तयार पार्दासम्म ३३ जनाले तीनहजार ६ सय ८४ डलर दान गरिसकेका छन् । 

 

एनआरएनएअमेरिकाका अध्यक्ष डा. केशव पाैडेलले ५ सय १ डलर राखेर थालेको गोफण्ड खोलिएको हो । अहिलेसम्म सबैभन्दा बढी सहयोग गर्नेमा डा. पौडेलनै अग्रस्थानमा छन् । त्यस्तै रिना दीक्षित र गाैरीराज जोशीले ५/५ सय, नवीन शेरचनले तीनसय एक, विष्णु पाण्डेले दुइसय एक र वरिष्ठ उपाध्यक्ष सुनिल शाहले दुइसय दिएका छन् । महासचिव बीरअार लामाले एकसय डलरमात्र दिएका छन् । बोर्ड अफ डाइरेक्टर गोपेन्द्र भट्टराइले एकसय एक दिएका छन् । 

 

एनआरएनए अमेरिकामा रहेका नेपालीहरूको साझा संस्था हो । यो संस्था मार्फत सहयोग गर्दा दुरूपयोग हुने संभावना कम रहन्छ । दर्ता भएर सञ्चालनमा अाएको र समाजमा प्रतिष्ठित व्यक्तिहरू नेतृत्वमा रहेकाले एनआएनएको गोफण्ड मार्फत सहयोग गर्दा पीडितसम्म राहत पुग्नसक्छ । 

 

अन्य संस्था तथा व्यक्तिले उठाएका र खोलेका गोफण्डको रकम नेपाल पुग्ने संभावना ज्यादै कम छ । हिसाब किताब गोलमटोल पार्ने संभावना पनि त्यत्तिकै रहेकोले एनअारएन मार्फत गरेको सहयोग प्रभावकारी हुने देखिन्छ ।

 

आँधी पीडितका लागि सहयोग गर्न यस गोफण्डको लिंकमा थिच्नुहोला