न्यूजर्सी (अमेरिका)– सूचना प्रविधि (आईटी) का दुइ कम्पनी संचालकलाई नक्कली कागजातका आधारमा विदेशीलाई अमेरिकामा व्यवसायीक रुपमा काम गर्न पाइने एच वानबी भिसा र गलत विवरणका आधारमा कर फिर्ता (ट्याक्स रिर्टन) भरेकोले गत साता जेल सजाय भएको छ ।
यी संचालकलाई जरिवाना तथा १५ महिना जेल सजाय तोकिएको हो । यूएस सिटिजन्स एण्ड इमिग्रेशन सर्भिसेज(यूएससीआईएस) फ्रड डिटेक्सन एण्ड नेसनल सेक्यूरिटीज (एफडीएनएस) भेरमेण्ट सर्भिस सेन्टरले नक्कली कागजात लगायतका ठगी प्रकरण जानकारीमा आएपछि अनुसन्धान भएको थियो । यसकै आधारमा होमल्याण्ड सेक्यूरिटिज लगायतका निकायले थप अनुसन्धान गरेका थिए ।
युएससीआईएसले आफ्नो वेभसाइटमा राखेको समाचार अनुसार अनुसन्धानका आधारमा न्यूजर्सीका ३४ बर्षिय सोरभ शर्मालाई डिष्ट्रिक्ट अदालतले उक्त सजाय दिने निर्णय सुनाएको हो । शर्माले आफ्नो गल्ती स्विकारेको पनि युएससीआईएसले जनाएको छ ।
एससीएम डाटा इन्क र एमएमसी सिस्टम इन्क नामक दुई कम्पनीले विदेशी विद्यार्थीलाई अमेरिकाका आईटीमा कम्पनीमा जागिर दिने भनी कन्सल्टेन्सी सेवा र एचवान बी भिसा प्रकृया अगाडी बढाउन स्पोन्सर गरेका थिए । यसमा नक्कली कागजात बनाईएको थियो । पक्राउ परेका शर्माले विदेशी विद्यँर्थी र आफ्नो कम्पनीले एच वानबी भिषा बिनाउन पुलको रुपमा काम गरेको वताएका थिए ।
भारतवाट प्रकाशित हुने टाइम्स अफ इन्डियाका अनुसार यस्तै ठगी काण्डमा तीन भारतीयलाई आरोप लगाईएको छ ।
अमेरिकाको जस्टिस डिपार्टमेण्टलाई उदृत गर्दै उक्त पत्रिकाले तीन कन्सल्टेण्टलाई एच वानबी भिसाका लागि नक्कली कागजात पेश गरेको आरोपमा दोषी पाईएको हो । यसमा क्यालिफोर्निया सान्ताक्लाराका किशोर दत्तापुरम, टेक्सस अस्टिनका कुमार अस्वपति र सनजोजेका सन्तोष गिरी संलग्न थिए । अमेरिकी सरकारी निकायले उनीहरु विरुद्ध सजायका लागि अदालतमा मुद्दा पेश गरेको छ ।
अमेरिकामा विद्यार्थीका लागि एच बानवी भिसा निकै लोकप्रिय छ । कुनैपनि विषयमा दक्ष र उक्त जनशक्ति अमेरिकामा उपलव्ध नभएको अवस्थमा एच वानबी भिसा दिईन्छ । यो भिसा पाएपछि अमेरिकामा बस्न र काम गर्न पाइन्छ । तर, यसका लागि बिषयगत दक्षता हासिल गरेको र उक्त दक्षता भएका व्यक्ति अमेरिकामा पर्याप्त उपलव्ध नभएको पुष्टि हुनुपर्छ। परामर्शदाताहरुले यसका लागि नक्कली कागजात वनाईदिने गरेका थिए ।
यी तीन जना आरोपी विरुद्ध अदालतमा प्रस्तुत दस्तावेजमा ४९ बर्षिय दत्तापुरम, ४९ बर्षिय अस्वपति र ४२ बर्षका गिरीले सान्ताक्लारामा नैनोसिमैटिक्स नाम गरेको कन्सल्टेन्सी फर्म चलाएका थिए । यसको काम उक्त क्षेत्रमा रहेका आईटी कम्पनीमा जागिर खोजिदिने थियो । यही क्रममा ती तिनै जनाले नक्कली कागदात वनाउने गरेको आरोपपत्रमा उल्लेख छ ।
यो मुद्दा अदालतमा चलिरहेको छ । यसमा दोषी पाईए अधिकतम १० बर्ष जेल र २ लाख ५० हजार डलर जरिवाना हुनेछ ।
तस्बिर: सामाजिक संजाल
प्रतिक्रिया