हिमालयखवर संवाददाता

अमेरिका – गत शनिवार पनि पावरवल कसैलाई परेन । यसले गर्दा पावरबल ज्याकपटको पुरस्कार राशि झन् ठुलो भएको छ । अव बुधवार खुल्ने पावरबल ज्याकपटको पुरस्कार राशि ७५ करोड अमेरिकी डलर पुगेको छ । नेपाली रुपैंयामा यो झन्डै ८० अर्ब हुन्छ । ज्याकपट परेपनि यो सबै रकम भने पांइदैन यसमा विभिन्न करहरू तिर्नु पर्ने हुन्छ । तर, सवैकटाउंदापनि यसको नगद मूल्य ४६ करोड ५५ लाख डलर अर्थात् झन्डै ५० अर्ब रुपैयाँ भने हुन्छ ।

 

तपाईँले २ डलर तिरेर किनेको पावरबल चिट्ठाका ६ नम्बर बुधवार पावरवल खुल्दा निस्कने नम्बरसंग मिलेभने तपाईँ एकाएक संसारका केही हजार धनी मध्येमा पर्नु हुने छ । तर, पर्ने सम्भावना भने झन्डै ३० करोडमा एक मात्र छ । कहीँ कतै कसैको भाग्यमा यस पटक भएन भने अर्को अर्को पटक यो चिट्ठा पर्ने नै छ ।

 

लगातार केही साता देखि कसैलाई पनि नपरेकाले पावरवल चिट्ठाको राशि ७५ करोड डलर पुगेको हो ।

 

चिट्ठाको राशि जति बढी भयो किन्नेहरुपनि बढ्छन् । केही महिना अघि एकजनाले एक अर्ब ५० करोड डलर राशिको चिट्ठा जितेका थिए ।