मनोरञ्जन

निकिता पौडेलले चलचित्र विकास बोर्डको अध्यक्ष पदबाट राजीनामा

54 पटक पढिएको

5th Feb 2019, Tuesday | २०७५ माघ २२, मंगलवार १८:०५
काठमाडौं - निकिता पौडेलले चलचित्र विकास बोर्डको अध्यक्ष पदबाट राजीनामा दिएकी छन् । 
 
बुधबारदेखि लागू हुने गरी राजीनामा दिएको उनीद्वारा जारी विज्ञप्तिमा उल्लेख छ । पौडेललाई २०७४ मंसिर २५ गते तत्कालिन मन्त्रिपरिषले विकास बोर्डमा अध्यक्ष नियुक्त गरेको थियो ।  
 
उनले आफूले नेपाली चलचित्र क्षेत्रको इतिहासमा पहिलो पटक ‘बक्स अफिस’ प्रणाली शुरूवात गरेको र विकास बोर्डकै पहिलो महिला अध्यक्ष हुन पाएको पनि उल्लेख गरेकी छन् ।
 
पौडेलले आफ्नो तीन महिनाको तलब श्रीमान् रवि लामिछानेको संयोजकत्वमा बन्न लागेको रास्कोट सामुदायिक अस्पताललाई दिएको समेत विज्ञप्तिमा खुलाएकी छन् ।