प्रवास

ड्यालसमा फ्लुबाट चार बर्षिय बालिकाको मृत्यु (भिडियो सहित)

246 पटक पढिएको

5th Feb 2019, Tuesday | २०७५ माघ २२, मंगलवार १०:०४
हिमालयखवर संवाददाता
टेक्सस(अमेरिका)– टेक्ससको ड्यालस डलास काउन्टी अन्तरगत पर्ने गारल्याण्डकी चार बर्षिय बालिकाको बालबच्चालाई हुने रुघाखोकी फ्लुबाट मृत्यु भएको छ । मृतक बालिकाको परिवारका अनुसार ४ दिन  अघि देखिएको फ्लुफे नसमात्दासम्म बालिका स्वस्थ्य थिईन । चार दिनकै रुवाखोकीले उनलाई लगेको हो । 
 
यदी चाँडै चार दिनमै बालिकाको ज्यान कसरी गयो भन्नेमा परिवार चिन्तामा परेको छ ।
 
चिसोमा हुने रुवाखोकीवाट मृत्यु हुने उक्त बालिका यशान्ति ग्रानेजका पिता मार्टेलका अनुसार आइतवार साँझ चर्चबाट फर्किए छोरीलाई चिसोका कारण हुने रुवाखोकीको लक्षण देखिएको थियो । मंगलवार १०३ ज्वरो आएपछि ती बालिकालाई इर्मेजेन्सी लगिएको थियो । त्यहाँ टाइप ए को फ्लु भएको अस्पतालले बताएको थियो । यशान्तिले फ्लुको भ्याकेसिन लिएकी थिईनन् । 
 
मार्टेलका अनुसार डाक्टरले ज्वरो कम भएपछि उनलाई अस्पतालले घर फिर्ता पठायो । खोकी र घाँटीमा देखिएको खसखस हटाउन मह र कागती दिन चिकित्सकले सुझाव दिएका थिए । ज्वरो कम गर्न औषधी पनि दिन दिन भनिएको थियो । बुधवार सम्म उनलाई ज्वरो त हट्यो तर, केही बिमारीका लक्षणहरु भने थिए ।
 
विहिवार अशान्ति निकै कमजोर र शुस्त देखिएपछि उनी आमाले पुन इर्मेजेन्सी लिएर गएकी थिईन । त्यहाँ उनलाई निमोनिया भएको पत्ता लाग्यो । यसको भोलिपल्ट उनको मृत्यु भयो । तस्बिर: सामाजिक संजाल