हिमालयखवर संवाददाता
अमेरिका- अमेरिकी सरकार आंशिक रुपमा वन्द हुदां संकट वढ्दै गएपछि राष्ट्रपति डोनाल्ड ट्रम्प आफ्नो अडानवाट पछाडी फर्कर्दै सहमतिमा समस्या टुंगाउन सहमत भएका छन् । सिमामा पर्खाल लगाउनका लागि ५ अर्ब ७० करोड रुपैंया बजेट स्विकृत नगर्दासम्म खर्च विद्येयकमा हस्ताक्षर नगर्ने अडान लिएका ट्रम्पले यसलाई छाडेर संकट हटाउन सहमत भएका हुन ।
इमिग्रेशन मुद्दा र पर्खाल लगाउने बजेटका वारेमा छलफल जारी राख्ने गरी आउने फ्रेबअरी १५ सम्मका लागि सटडाउन अन्त्य गर्न राष्ट्रपति मञ्जुर भएका हुन् ।
सहमतिका वारेमा जानकारी दिदैं राष्ट्रपति ट्रम्पले भने हामी सटडाउन अन्त्य गर्ने सहमतिमा पुग्यौ । अमेरिकी सरकार ३५ दिन देखि आंशिक रुपमा सटडाउनमा थियो । यसले गर्दा अमेरिकी सरकारका ८ लाख कर्मचारीको पारिश्रमिक प्रभावित भएका थिए । यसवाट हवाई सेवा सुरक्षा देखि इमिग्रेशनसम्वन्धि अन्तवार्ता समेत प्रभावित भएको थियो ।
यो अस्थायी सहमती हो । अवको तिनसातामा सिमा सुरक्षा र इमिग्रेशन मामिलामा वार्ताहरु पनि जारी राखी स्थायी समाधान खोज्नुपर्ने छ ।
सहमति जुटाउन जटिल हुदै गएपछि रिपब्लिकन पार्टीवाट समेत राष्ट्रपति ट्रम्पलाई दवाव पर्दै गएको थियो । प्रकृयाहरु पुरा भएपछि आंशिक सटडाउन तत्काललाई हट्ने छ । यो अमेरिकी राजनीतिक इतिहासमा सवैभन्दा लामो सटडाउन भएको छ ।
प्रतिक्रिया