मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपाल   

आचारणविपरीत काम गर्नेलाई न्यायालयमा नराखिने

आचारणविपरीत काम गर्नेलाई न्यायालयमा नराखिने


काठमाडौँ । प्रधानन्यायाधीश चोलेन्द्रशम्शेर जबराले न्यायालयको विवेक र आचारणविपरीत काम गर्नेलाई न्यायालयमै राख्न नसकिने बताएका छन् । 
 
सर्वोच्च बार एशोसिएसनले नवनियुक्त प्रधानन्यायाधीश राणालाई बधाई तथा शुभकामना दिन आयोजित कार्यक्रममा उनले संसदीय सुनुवाइका क्रममा आफूले न्यायालयको छविलाई माथि उठाउने ढङ्गले कुरा गरेको स्मरण गरे । 
 
प्रधानन्यायाधीश राणाले थपे, “न्यायको दीप सर्वोच्च अदालतबाटै प्रमाणित गरेर देखाउनु छ, संविधानले दिएको जिम्मेवारी, दायित्व र कर्तव्यबाट म कुनै पनि हालतमा विचलित हुन्न ।” 
 
बार एशोसिएसनले न्यायाधीश दीपकराज जोशीलाई न्यायपरिषद् सदस्यबाट हटाएकोलगायत विषयलाई लिएर आफूले सर्वोच्चका सम्पूर्ण न्यायाधीशसँग छलफल गरी उपयुक्त निर्णय लिने स्पष्ट पारेका छन् । 
 
कानून, न्याय तथा संसदीय मामिलामन्त्री भानुभक्त ढकालले चार वर्षको कार्यकालमा जनताको मन जित्ने गरी काम गर्न आग्रह गर्दै सरकारकातर्फबाट कुनै हस्तक्षेप गर्ने मनसाय नराखी सहयोग गर्ने बताए । 
 
महान्यायाधिवक्ता अग्नि खरेलले न्यायालयका लागि सरकारी वकिल र नेपाल बार काउन्सिलका तर्फबाट सदा सहयोग गर्ने प्रतिबद्धता व्यक्त गरे । 
 
बार एशोसिएसनका अध्यक्ष शेरबहादुर केसीले न्यायालयको सही कार्यमा सदा साथ दिने उल्लेख गर्दै वरिष्ठतम् न्यायाधीश दीपकराज जोशीलाई जिम्मेवारी नदिएकोप्रति ध्यानाकर्षण गराए ।