प्रवास

विश्वकै सबैभन्दा धनी दम्पत्तीबीच सम्बन्ध विच्छेद

690 पटक पढिएको

9th Jan 2019, Wednesday | २०७५ पुष २५, बुधवार १४:२०
हिमालयखवर संवाददाता
अमेरिका- विश्वकै सवैभन्दा धनी जोडीविच सम्वन्ध विच्छेद भएको छ । अनलाइन कारोवार गर्नेविश्वकै सवैभन्दा धनी दम्पत्ती विच सम्वन्ध विच्छेदले आफुहरु विचको २५ बर्ष लामो बैवाहिक सम्वन्ध समाप्त भएको वुधवार घोषणा गरेका हुन् ।
 
टुईटरमा संयुक्त वक्तव्य दिदैं आपसी समझदारीमा सम्वन्ध विच्छेद भएको उनीहरुले जानकारी दिएका हुन् । लामो माया र केही समय अलग बस्दाको अनुभव पछि आफुहरु वैवाहिक सम्वन्ध विच्छेद गर्ने निर्णयमा पुगेको वक्तव्यमा उल्लेख छ ।
 
२५ बर्ष अघि स्थापना भएको एमाजोन अहिले विश्वकै सवैभन्दा प्रभावशाली कम्पनी भएको छ । बेजोस अहिले विश्वकै सवैभन्दा धनी व्यक्ति हुन् । ब्लुमवर्ग विलिनियर इन्डेक्सका अनुसार बेजोसको सम्पत्ति करिव १३७ अर्ब डलर रहेकोे छ   । यस अनुसार यो एउटा मंहगो सम्वन्ध विच्छेद हुने छ ।
 
जेफ ५४ बर्ष र म्याकेन्जी ४८ बर्षकी छन् । यी दम्पत्तिका तीन छोरा र एक धर्म छोरी छन् । म्याकेन्जी लेखिका हुन् ।
 
गत बर्ष यो दम्पत्तीले २ अर्ब डलर बरावरको समाजसेवाका लाग च्यारेटी प्रोजेक्ट स्थापना गरेका थिए ।  म्याकेन्जीले केही बर्ष अघि एउटा अन्तवार्तामा हेज फण्डसम्वन्धि काम गर्ने कम्पनीमा अन्तर्वाता दिन जांदा जेफलाई भेटेको वताएकी थिइन । यसको तीन महिना पछिनै दुवैले विवाहगर्ने निर्णय गरेका थिए । विवाह गरेको केही समय पछि जेफले एमाजोन कम्पनी स्थापना गरेका थिए । तस्बिर: सामाजिक संजाल