हिमालय खबर संबाददाता-
ह्युस्टन (टेक्सस) । अमेरिकाका ४१ औं राष्ट्रपति जर्ज एच डब्लु बुसको समाधी झण्डै ७० माइल टाढा रहेको कलेज स्टेशनमा गरिदैछ ।
बुधबार वासिङटनका आयोजना गरिएको श्रद्दाञ्जली सभा पछि उनको शवलाई गृहनगर ह्युस्टन ल्याइएको थियो । शुक्रबार ९४ वर्षको उमेरमा ह्युस्टनमा निधन भएका बुसलाई राष्ट्रिय सम्मानका लागि डिसी लगिएको थियो । त्यहाँ सरकारले राष्ट्रिय सम्मानसाथ विदाइ गरेको थियो ।
त्यस अवसरमा पूर्ब राष्ट्रपतिहरु जिम्मी कार्टर, बिल क्लिन्टन, बाराक ओबामा र जर्ज बुस लगायतको उपस्थिती थियो ।
बिहीबार बिहान बुसको शवलाई ह्युस्टनको चर्चमा उपस्थित हजारौंले श्रद्दाञ्जली व्यक्त गरेका थिए । उनले लामो समयदेखि प्रार्थना गर्ने गरेको चर्चमा बुस परिवारको उपस्थितीमा श्रद्दाञ्जली व्यक्त गरियो ।
ह्युस्टनको श्रद्दाञ्जलीपछि उनको शवलाई टेक्सस एएण्डएम युनिभर्सिटी कलेज स्टेशनको जर्ज एचडब्लु बुस पुस्तकालय नजिकै अन्तिम विदाई गरिने जनाइएको छ । ह्युस्टनबाट रेलमा शवलाई कलेज स्टेशन लगिनेछ । जहाँ आठ महिना अघि निधन भएकी पत्नी बार्बरा र तीन वर्षकै उमेरमा निधन भएकी छोरी रबिन बुससँगै समाधी गरिनेछ ।
सन् १९८९ देखि १९९३ सम्म बुस अमेरिकाका राष्ट्रपति भएका थिए । झण्डै साढे दुइघण्टा लामो रेलयात्राबाट बुसको शवलाई कलेज स्टेशन लगिदैछ । तस्बिर: सामाजिक संजाल
प्रतिक्रिया