विश्व भ्रमणमा निस्केका परमहंश नित्यानन्द स्वामीज्यूका चेलाहरुले क्यालिफोर्नियाको लसएन्जल्स मा अबस्थित श्री पशुपतिनाथ फ़ाउन्डेशन मन्दिर भ्रमण गर्ने भएका छन् |

 

भारतबाट विश्वभ्रमणमा निस्केका परम धार्मिक योगीजी (महायोगी तथा वालयोगी)हरु रहेको पाँच जनाको  टोलि भोलि यहि नोभेम्बर ३०, २०१८ शुक्रबारका दिन यस पशुपति बुद्ध मन्दीरमा आइपुग्ने कार्यक्रम रहेको छ | 

 

योगीजीहरुको उक्त मन्दीर भ्रमणको उद्देश्य भगवान श्री पशुपतिनाथको दर्शनार्थ रहेको कुरा प्रष्ट भएको छ | भ्रमणमा रहेका योगिजीहरु अध्यात्मको माध्यमले तेश्रो चक्षुद्वारा सारा चराचर जगत देख्न र अनुभव गर्न सक्ने अलौकिक क्षमताका धनि मानिन्छन | भ्रमणका अवसरमा यस क्षेत्रमा रहने / बस्ने अध्यात्म र हिन्दु धर्ममा विश्वास राख्ने सबैसंग योगीजीहरुको भेटघाट कार्यक्रमों आयोजना गरिएको छ ।

 

र योगिजिहरुबाट उपस्थित भक्तजन सामु दिव्य ज्ञानका वाणी सहित प्रवचन दिलाउने व्यवस्था समेत रहेको छ ।

 

पहिलो चोटि नेपाली मन्दीरमा यस्ता अन्तर्राष्ट्रिय रुपमा ख्याति कमाएका सन्त-महन्त तथा योगीहरूको आगमनले लस एञ्जलसवासी नेपालीहरु हर्षित रहेको कुरा संस्थाका अध्यक्ष गोकुल पौडेल बताउँछन् र साथै सम्पुर्ण नेपाली समुदायलाई यसै सूचना मार्फ़त सहभागिताको निम्ति अनुरोध गरेका छन् ।